Dr. Saεdi: tifrat d « Régionalisation »

13

Ass-a n 16 yennayer 2010, Dr. Saεdi yeffeɣ-d seg tsusmi-s n waṭas-aya. Yenna-k belli d akabar-is RCD ara yilin ilmendad n usdukel n tama taxṣimt tagdudant di Ledzayer, i yebḍan am ibawen ɣef lluḥ. Yenna-k ur d-yegri ḍḍmeε seg udabu-a, imi yettxemmim ala ɣef yiman-is d tudert-is ur s-yeqqimen aṭas. Adabu yettkerrib, akken i d-yenna, imi yebḍa yakk d icriḥen. Taluft n Sonatrach akked d tin n ubrid asamar-amalu d udem ufella kan i d-ibanen deg yimenɣi yellan ger-asen.
Γer ɣur-s, i wakken ad d-teffeɣ Ledzayer seg twaɣit i tt-yuɣen, yessefk adabu ad yefreq ɣef tamiwin n tmurt, neɣ ayen i wumi isemma « Régionalisation ».
Ma d tamsalt n temlilit n ddabex uḍar i d-yeḍran ger Lezzayer d Maṣr deg nunember yezrin, Dr. Saεdi iwala deg-s ayen yelhan, imi terra-d izzayriyen ɣer uẓar-nsen amaziɣ.

Dr. Saεdi, wissen ma yeẓra neɣ uhu belli ala Tamurt n Yeqbayliyen (neɣ cwiṭ kan deg-s taggara-ya) i s-d-yettaken tameẓẓuɣt? Wannag i wacu mači d ttadukli n Yeqbayliyen i yezwaren? D acu-t wemgirred yellan ger Régionalisation n Saεdi akked Timanit i Tmurt n Yeqbayliyen i yessutur MAK?