Ferḥat yesḥassef s twaɣit n Haïti

0

Mas Ferḥat Mehenni seg Montréal yenna-d yesḥassef s twaɣit i s-d-yeḍran i tmurt n Haïti. « Ihaytiyen, Tihaytiyin, seg wass-nni n tlata aberkan, bḍiɣ yid-wen leqreḥ d leεtab i ken-yuɣen. S yisem n Umussu n Timanit I Tmurt n Yeqbayliyen (MAK) akked yisem-iw ad ṣebbreɣ tiwaculin akked uɣref ahayti yenḥafen seg twaɣit-a”, yenna deg wawal-is.
Akken daɣen yessuter deg Yiqbayliyen i izemren ad d-fken afus-nsen i yimeɣban n Haïti. « Yal frank ara tefkem d taεkemt n txazabit-a iwumi ara tesneqsem taẓit. Ass-a, aql-I d ahayti ula d nekk, sarameɣ s wul-iw talwit d taḍsa ad uɣalen ɣer wulawen », i ikemmel awal-is.