Taɣamsa tazzayrit tewwet nneḥ ɣef tikli n MAK, Ccuruq yeskiddib

0

Γas ulamma yezger usemmiḍ tilas iḍelli di tmurt n yeqbayliyen, ugar n 10 000 n yemdanen i d-yerran awal i teγri n wulγu umussu n timanit i tmurt n yeqbayliyen. Ffγen-d Yezwawen s izenqan ama di Bougie, Tuβiret neγ Tizi-Ouzou uqmen timesbaniyen ideg lḥan s webrid n tegzi d talwit swayes ccnan, suγen, sawlen neγ εeggḍen mgal adabu adzayri, rnan ssutren timanit i tmurt n yeqbayliyen.

Maca, Taγamsa-ya neγ tayeḍ(tin udabu neγ tilellit) amzun d ṭṭbel i yellan yekkat γer xwali-tsen neγ ahat d tinna n “Wac bihum zwawa u legwer” i d-yuγalen, ulac anwa i d-yesmesxen asebter n weγmis-is akken a d-yini ulammer d sin wawalen ilmend n waya.

D acu kan akken qqaren “yurar-itt-id rramul neγ iḥun bab n lemḥanna” yella weγmis n Ccuγuq akken yeqqar ssi Muḥend Crif Ḥennaci, ldiγektuγ-is d argaz lεali, yettak ula d isuγdiyen, ihi ula d Iqbayliyen-agi n at nnif ur ten-yettu ara, lxir-is d ameqqran, yerra-ten llan ulac-iten, yura-d deg wuṭṭun-is n wass-a “asirem umussu n timanit i tmurt n yeqbayliyen akken a d-ffγen waṭas n lγaci s izenqan deg wass amenzu n yennayer yeqqim kan d targit, ur wwiḍen ara lebγi-nsen, ur d asen-fkin ara tameẓẓuγt Yeqbayliyen i yemḍebbren umussu”, ur ṣeḍḥan ur nneḥcamen wwḍen almi d-gren akeddib i ten-yugaren swayes d-nnan “tikli n Bougie ur d-telli ara maḍi”.

Annect-a mačči d awezγi neγ d amaynut γur-neγ, nessen-iten seg wasmi d-necfa i yemma-s n ddunit, neẓra γran ayen iwumi qqaren”lmuḥafaḍa ssiyyasiyya”, ma d annect-a qqaren-as”tehdim meεnawiyyat el εadew”.
Sseglef ay aqjun neγ qqim, aγref aqbayli yeṭṭef abrid yessufuγen γer tafat.