Ɛebdraḥman Bugarmuḥ, ameskar n usaru n teqbaylit Tawrirt yettwattun, yewweḍ anida ara neweḍ.

0
214

Ass-a, 3 deg wagur n furar 2013, i aɣ-yeǧǧa wemsaru aqbayli Ɛebdreḥman Bugermuḥ. Bugermuḥ ilul ass n 25 di furar aseggas n 1936 de Uzellagen di temnaḍt n Ṣṣummam i d-izgan di Bgayet ( Tamurt n Yiqbayliyen).

D amsaru aqbayli, yeǧǧa-d deffir-s aṭṭas n isura, ger-asen asaru s teqbaylit: Tawrirt yettwattun i d-yerra seg wungal yura Lmulud At Mɛemmer  » Tawrirt yettwattun » deg 1952. Yekfa tira n usaru-a deg useggas n 1967, maca ur d-yeffiɣ ara almi 30 n iseggasen mbeɛd. Deg tebratt yura i yemḍebren n tiliẓri n tmurt n Lezzayer imir-nni, yenna-asen belli asaru-a ilaq ad yettwaxdem s teqbaylit. ɣef waya ur seqbilen ara ad d-yeffeɣ usaru-ines almi d aseggas n 1996.

Yemmut di sbiṭer n Birtrarya di tmanaɣt. Ad yemḍel ass n tlata 5 di furar di taddart-is Iɣzer Ameqran di tɣiwant n Uzellagen.

Ass-a Bugermuḥ, yewweḍ s anda ara naweḍ akk, maca yedder s wayen d-yeǧǧa, s yes-s tawrirt n ur tettwattu ara.