Awal yuzzel yeffeɣ, yezzi-d akk i yimawen, iẓẓur-d akk imeẓẓaɣ; wa ikemmez-as anda yebɣa, wayeḍ d axbac i as-iḥulfa!
D ayen targit tessenser-d seg tcebbakt n yiḍ, teqsed tililit. Acḥal d aseggas fell-as kečč d amennuɣ, acḥal d ass kečč d araǧu! D ayen yusa-d wass-nni azref iṣaḥ-it-id wawal; taqbaylit di tmendawt ad tefser iman-is, ad teẓẓel iḍarren-is ad ternu ifassen-is! Iṭij n Lezzayer d ayen ad as-yeskew imeṭṭawen-is d idammen yuzlen fell-as!
Maca, tettuḍ yiwet n tɣawsa, ɣas akken mačči yiwet n tikelt i d-ak-teḍra kečč tettuɣaleḍ ɣer-s, tettakeḍ awal i lebɣi-k; yal tikelt i deg ara ak-d-inin kra, ad as-d-stebɛen “maca akked ala”!
Lebɣi-k tserseḍ-t ɣef niyya-k, tenwiḍ ala kečč i yesɛan targit! Tettuḍ belli ula d inɣimen-ik sɛan tirga, yerna i nutni tefɣent akken ilha, ma yella d kečč tefɣent–ak mxalfa!
Targit-ik d aṣenṣeb n tutlayt-ik. Targit-nsen d aṣebṣeb n tutlayt-ik! Aṣenfar-nsen yebda tikli aṭas-aya; ad ṣbeṣben tutlayt-ik, idles-ik d cetla-k. Deg-k ddeggiren, i tmuɣli-k rran ẓẓerb uɣilif, ma yella d nutni i tenwiḍ d irbiben i ak-llan, wwten, nudan almi i ak-uɣalen d imawlan!
Kker ay aqbayli wali timsal amek i lant. Tibḥirt-ik kerzen-tt ileɣman, imɣi deg-s ur teǧǧin, kečč tḍemɛeḍ lemḥibba d yilfan!
Tɛebbaḍ-as i Ǧerǧǧer Tafriqt n ugafa, tesseknaḍ-as tuyat, ur yezmir ara, ass-a felqent turin-is, yebra i yifassen-is, ula d taddart ur as-yezmir ad tt-yeddem ɣef uzagur-is!
Murad IRNATEN
Axxam-is ur as-yezmir, lğameε yeṭṭf-as amzir! vanen ixxamen n taddar-a ttuwγumen, d imecṭuḥen yerna ur ffukken ara s levni, yewwt-aγ ṭaglal deg useggas-nni n 95 mi d-serḥen i tutlayt tamaziγt, teffeγ-d si lḥevs, tekcem s aγervaz, ammer kan imir i nuzzel ar γur-s nga-yas leqrar, nerna nsevγes arraw-nneγ a tt-γren, tili ass-a, nezmer a d-nini nga ayen ilhan, nrefd-itt d ayla-nneγ ad nidir s yes-s, maca nekni nezzi-as s waεrur, amacki ulac-itt, nezga neqqim deg wevrid-nni i γ-yettawin ar nger, nettεanad anta taddart ara yevnun iqucac meqqren i lğameε, i wakken ad neknu seddaw iḍaren-nsen, ammer meqqar s teqvaylit i ssawalen di tuddna, di tẓalit akk d idiwenniyen-nsen, deg-s ad negzu ayen d-qqaren, deg-s ad tennerni tutlayt swayes ttmeslayen.
Axxam-is ur as-yezmir, lğameε yeṭṭf-as amzir! vanen ixxamen n taddar-a ttuwγumen, d imecṭuḥen yerna ur ffukken ara s levni, yewwt-aγ ṭaglal deg useggas-nni n 95 mi d-serḥen i tutlayt tamaziγt, teffeγ-d si lḥevs, tekcem s aγervaz, ammer kan imir i nuzzel ar γur-s nga-yas leqrar, nerna nsevγes arraw-nneγ a tt-γren, tili ass-a, nezmer a d-nini nga ayen ilhan, nrefd-itt d ayla-nneγ ad nidir s yes-s, maca nekni nezzi-as s waεrur, amacki ulac-itt, nezga neqqim deg wevrid-nni i γ-yettawin ar nger, nettεanad anta taddart ara yevnun iqucac meqqren i lğameε, i wakken ad neknu seddaw iḍaren-nsen, ammer meqqar s teqvaylit i ssawalen di tuddna, di tẓalit akk d idiwenniyen-nsen, deg-s ad negzu ayen d-qqaren, deg-s ad tennerni tutlayt swayes ttmeslayen.
Axxam-is ur as-yezmir, lğameε yeṭṭf-as amzir! vanen ixxamen n taddar-a ttuwγumen, d imecṭuḥen yerna ur ffukken ara s levni, yewwt-aγ ṭaglal deg useggas-nni n 95 mi d-serḥen i tutlayt tamaziγt, teffeγ-d si lḥevs, tekcem s aγervaz, ammer kan imir i nuzzel ar γur-s nga-yas leqrar, nerna nsevγes arraw-nneγ a tt-γren, tili ass-a, nezmer a d-nini nga ayen ilhan, nrefd-itt d ayla-nneγ ad nidir s yes-s, maca nekni nezzi-as s waεrur, amacki ulac-itt, nezga neqqim deg wevrid-nni i γ-yettawin ar nger, nettεanad anta taddart ara yevnun iqucac meqqren i lğameε, i wakken ad neknu seddaw iḍaren-nsen, ammer meqqar s teqvaylit i ssawalen di tuddna, di tẓalit akk d idiwenniyen-nsen, deg-s ad negzu ayen d-qqaren, deg-s ad tennerni tutlayt swayes ttmeslayen.
Comments are closed.