BGAYET (TAMURT) – Tadbelt n tesdawit n Bgayet testaxer 11 n yinelmaden i tcukket ttikkin deg usexreb n uxxam n tenmehla n tesdawit ddurt yezrin.
Assexreb n uxxam n tenmehla n tesdawit n Bgayet, yella-d seld tiyita n yiwen n unelmad sɣur anemhal n tesdawit-a ‘Mirabeṭ ». Inelmaden nnan-d: « Ur d-yelli ara ugraw ɣef ustixer-nsen, d anemhal s yiman-is kan i yeddmen rray-a, nga anejmuɛ sdat n uxxam n tenmehla, yiwen n ugraw ma yella-d »
Rray-a yettwaddmen kan akka, ttwalin-t yinelmaden d lbaṭel. Yiwen n unelmad yella deg Qsenṭina itteg tanant mi t-yewweḍ yisali n ustixer-ines i nesla sɣur yiwen n unelmad !
S wakka, inelmaden n Bgayet ddmen rray n uneḥbus ur nesɛi tilas ɣef tɣuri, d tigin n usɛeddi n yikayaden, arma yettwakkes rray n ustixer n yimdukkal-nsen.
Tiddukla n yinelmaden tessawel-d i yiwet n tikli ass n 18 yibrir ara yebdun seg Terga n uzemmur ɣer uxxam n lwilaya.
 - Tadbelt n tesdawit n Bgayet testaxer 11 n yinelmaden i tcukket ttikkin deg usexreb n uxxam n tenmehla n tesdawit ddurt yezrin.){kind=link}