17 ṭuber 1961- 17 ṭuber 2010

Ass n 17 ṭuber 1961, d luluf n imesbaniyen, ffɣen-d ɣer iberdan suɣen mgal taɛessast yesbed lprifi n imsulta « Maurice Papan ».

Ugar n 200 n imesbaniyen ttwanɣan, ttwaḍegren deg wasif n « la seine » sɣur iɣallen n laman n Maurice Papan. 49 iseggasen i yezrin, aṭas n yemdanen ur zrin d acu yeḍran d yeɣriben di tlemmast n « paris ».

Fṛanṣa tugi a ttesteɛref s uxeṣṣar yeḍran ass-nni n 17 ṭuber 1961. Aṭas n yemdanen ur zrin acemma fell-as, bɣan ad ɣbun later-is. Ttwanɣan yergazen, i dyekren nnan-d: « ffuden tilelli ». Ayen yeḍran di tlemmast n « paris » d ayen ur iqebbel walaɣ n wemdan . 17 ṭuber ismektay-d udem i s-yeqqubel wemdan taswiɛt. D acu i d iswi-nnsen ? Nutni nnuɣen akken ad tili tlelli.

Γlin yergazen war afran. Tamesbanit i deg yettekka Uqbayli s wul d tasa, yemmut netta u yessarem ad yidir mmi-s di tlelli ! Aqbayli yessarem ad ad tecfu tmurt ɣef idamen-is yuzlen.

Maca ass-a ma akken izrin 49 iseggasen ɣef ass-nni, nettwali Aqbayli-nni i yseblen iman-is i rrṣaṣ rran-t di ṭṭerf. Aqbayli-nni i iqublen imsulta n Maurice Papan yenṭer ass-a zdat n temḥeqranit n udabu amesbaṭli.

Ugin ad as-slen i Weqbali yessuturen tilelli-s. Ass-a A qbayli yegred tiɣri i kra n win yumnen s tlelli, akken ad d-ibedd ɣer yidis-is. Tilelli ur tettili ma yella rran sṛima ɣef weɣref aqbayli.