Huǧǧeγ-d ih !

0
682

Iiiiiiiiih temẓi a yelli , taεrurt teεra taεbbuḍt texwa
akken nleḥḥu ur nεeggu , yernu tafejrit i nreffed s tikli .
Ass-mi d-yessawel  » lmektub » nerfed taεkumt , 2
yecwariyen n seksu aquran d sin n tazart aked uyeddid
n waman , akken i yal aterras , nleḥḥu d-agrawen ,
yal agraw 5 ar 6 iterrasen , akken ad nifsus anda nerza
d-inebgawen.
Akken acḥal n wussan n tikli , ih nleḥhu deg yiḍ , nettqeggil
deg uzal ,ad st-nebru i zwayel ad ksent , nekni ad nqeggel ar
azizwu, ad s-nefk ayla-s i sidi rebbi , ad nerfed diγen s tikli .
Nεedda i tudrin n wegris d waḍu , akiiin i lberr lxali .
newweḍ ar yiwet n taddart , ixxamen-is akk bnan s wakal ,
akken d-imdewren ,sseqfen s tmuqnin n yidles , d-ayen
yecban lekdeb .Imezdaγ-is d-ṣṣifa wer necbi tayeḍ , sebγen
ad s-tenniḍ d ṭṭwajen ,arquqen a nnect n lbunyat ,
iqemmac ttfeǧǧiǧen d tafat , azal n 3 ṭezzinat n tuγmas ay
sεan , qeccuc meccuc ssburen sin iqerra n yidles.
Hat-a iruḥed γurneγ uqerru n taddart , netta s wayen yecban
tameslayt nsen , nekni neγra-yas-d layat lkursi d lḥemdu ,
yak nekni d-inebgawen n rebbi .
syenn yewwi-yaγ ar yiwen seg yixxamen-nni , degs ṭṭaq ur
yelli , yerna-yaγ-d lwajed n wučči , ečč war asteqsi , yak
nekni d-inebgawen n rebbi .
Nestaεfa din ayen yura-n , syenn nerfed diγen s tikli ,
yedda yidneγ uqerru n taddart-nni, ad aγ-d-imel abrid n wexxam
n rebbi . ijiqed-is d 4 nneγ , tikli n yiḍ d 2 wussan dγa nemsfraq .
Syenn nendah , tiγilt tettak-aγ i tayeḍ , lǧens yettak-aγ i wayeḍ ,
wi d-iγezzfanen , wiyaḍ d-iwezzlanen , dihenn d tilawin kan , anda
nniḍen d-irgazen kan, ussan akk ttemcabin ,iṭij nettawi-t γef tuyat .
akken sin waguren neγ ahat ugar , newweḍ γer caylellah axxam-is
D-idurar n rmel d weẓru , iṭij ireṣṣa deg yigenni amzun d-asafu ,
ad s-tenniḍ d ǧihennama .
nensa deg yiwen wexxam n weẓru , ajgu-s ur t-iqeṭṭaε yiẓri ,
sseqef-is yemlal d igenni ,ar yiwen yidis yesεa ṭtaq yugar tawwurt-is
, yessawal uuuuuuuuuuuuuuuuhhhhhhhhhh !
nnan-d d lerwaḥ id d-irezzun , ttefγen kečmen , ih a yelli d lerwaḥ n
wid izegren akin i yiḍ n tfejrit , ula d netni ttḥuǧǧun .
neqḍa-d lmeqṣud nuγaled , susem kan susem ! ,
walaγ ayen iles war iγes ur yissin ara ad t-id-yini .