Awal ɣef tafaska n tmedyezt tamaziɣt n Adrar n Fad

14
994

{{Imekkiyen n useggas-a (2010)}}

Aseggas-a (2010), azal n 147 i yekkin di temsizzelt (concours) n tmedyezt tamaziɤt n Adrar n Fad. Tuget n yimekkiyen d Leqbayel, i d-yusan seg waɤir n Bgayet, Tizi Wezzu, Tubiret, Sṭif, Burǧ Buɛrarij, Bumerdas, Lezzayer, Wehran, …maca tekkin daɤen Imaziɤen-nniḍen, yecban Icawiyen, d wiyaḍ. Aseggas-a, kkin azal n 10 n Yicawiyen, yiwen n Umahaq (Atergi), yiwen n Ucelḥi (seg Wargla)…
Tamawt-nniḍen, d tikkin n tilawin deg tfaska. Aseggas-a, kkint azal n 36 (ɤef 147 n yimzazwaren).

{{Timsizzelt n tfaska}}

Timsizzelt-a, deg-s sin n yimuren, sin n yikayaden : arat (manuscript) akked timewt (oral). Arat ila 15/20, timewt tla 5/20.
Deg wamur amezwaru (arat), taseqqamut n yinezzurfa tesbedd 5 n yisefran (critères) : aseskel (notation), tutlayt, tugniwin (images), asentel (thème), talɤa n usefru (forme du poème). Yal asefren ila 3 n waqqayen (points).
Deg wamur wis 2 (timewt neɤ timenna), llan sin n yisefran : taɤa ra n tɤuri (ɤef 2,5) akked tiyita n usefru (sa declamation).

{{GM.}} S 7 n yisefran-a ay teskazzal (évaluer) Tseqqamut n yinezzurfa (members du jury) imedyazen akked tmedyazin i yettikkin yal aseggas deg tfaska n Adrar n Fad.
Deg tseqqamut-a, llan Massen ! Kamal BOUAMARA (Aselway n tseqqamut), Zahir MEKSEM, Lhacène MAHROUCHE akked Allaoua RABEHI.

{{Leqwanen n temsizzelt}}

Timsizzelt-a tleḥḥu s usaḍuf agensas (règlement intérieur) ideg llan leqwanen. D amedya, imekki ilaq ad yesɛu 18 n yiseggasen (neɤ ugar) di leɛmer-is ; imekki, ilaq ad yekki s yisefra ines netta …
Yal amzazwer ad d-yazen 3 n yisefra ad yernu ad yili dinna ussan n temsizzelt, akken ad ten-id-yewt sdat n tseqqamut akked ugdud (public). Dɤa, win ur neḥdir i temsizzelt, yettusemma ur yekki ara, acku ur yesɛedda ara akayad wis 2 : timewt.

{{Arrazen n temsizzelt}}

Timsizzelt-a ɤur-s 3 n warrazen : amezwaru, wis sin akked wis 3. Maca llan daɤen warrazen n usebɤes : yella warraz n tmeṭṭut, win n yilemẓi, win n yimezgi akked win n tantala. Arrazen-a n usebɤes ttwaddamen-d deffir 3 n warrazen Lmulud Nat Mɛemmer ; ttwafranen gar yimezwura deg temsizzelt.

{{Iwenniten ɤef tfaska n Adrar n fad}}

Aṭas i yezmer yiwen ad d-yini ɤef tfaska-ya, maca ad d-nini kan ayen inefɛen d wayen yufraren.

{{1.}} Tidukkla Adrar n fad tettak-d tamsirt i tdukkliwin-nniḍen, ma yella rant ad lemdent. Acuɤer nettat tezmer ad d-theyyi tafaska n tmedyezt yal aseggas, tiyaḍ ur zmirent ara ad d-gent ula d …?

{{2.}} Tidukkla-ya tezga-d deg tɤiwant Ayt Smaɛel, d taɤiwant ur nxulef ara tuget n tiɤiwanin-nniḍen n Tmurt n Leqbayel ; taɤiwant-a tezga-d deg udrar ….

{{3.}} Tafaska n Adrar n fad tuɤal d aɤerbaz n tmedyezt taqbaylit. Imedyazen akked tmedyazin ay ttikkin yal aseggas deg temsizzelt ur d-ttasen ara kan ad awin arrazen, ɤas akken deg uqerru tezga takti-ya, ttasen-d ad lemden wa ɤef wa ; ttasen-d ad ḥessen i tmedyezt n wiyaḍ akked tiyaḍ

{{4.}} Nger tamawt, nufa, d amedya, aṭas i yessnen ad arun s teqbaylit, aṭas i yessnen ad d-ɤren isefra-nsen …Nger tamawt, nufa aṭas i yettaẓen ɤer sdat, lemmden seg useggas ɤer wayeḍ.

Bgayet, ass , 29 deg meɤres 2010

{{K. Bouamara}}

14 COMMENTS

  1. A Mass Bou3mara, aqlagh netraju yalass tawafhga « le receuil » n tfaska, une promesse de longue date, neqqar nekni s leqvayel nes3a idles « une culture orale », mazal netkemmil de l’oralité, isefra n tafaska ma u deffighnara deg adlis, ad tenyerfed wattu. Je suis sur que Brahim Tazaghart est prêt à les édités. Tanemirt.

    • Ay Ilelli,

      aru i at Tidukkla {Adrar n fad} ma zemren ad d-sufɣen isefra-nwen…Nekki, nekni d taseqqamut n yinezzurfa n temsizzelt kan !!!

  2. A Mass Bou3mara, aqlagh netraju yalass tawafhga « le receuil » n tfaska, une promesse de longue date, neqqar nekni s leqvayel nes3a idles « une culture orale », mazal netkemmil de l’oralité, isefra n tafaska ma u deffighnara deg adlis, ad tenyerfed wattu. Je suis sur que Brahim Tazaghart est prêt à les édités. Tanemirt.

    • Ay Ilelli,

      aru i at Tidukkla {Adrar n fad} ma zemren ad d-sufɣen isefra-nwen…Nekki, nekni d taseqqamut n yinezzurfa n temsizzelt kan !!!

  3. Azul a gma deg teqbaylit! ilaq ad teḥsuḍ d akken tidukkla n Udrar n Fad tessufuɤ-d yal aseggas tasɤunt n tmedyezt tamaziɤt yerzan ayen yedran deg tfaska iɛeda-n; deg tesɤunt-a ad tafet deg-s kra n yiḥricen am: Tamedyezt n mraw (10) n yimezwura i d-yufraren akk d uneqqis wayen i d-yellan ama deg yisaragen neɤ deg yisekwan, ad tafem daɤen kra wayen yerzan tafaska-ya sumata(tugniwin, tifrsirin, imagraden,…) s tutlayt n Si lbacir Amellaḥ.
    Ihi a gma nezra d akken tutlayt war tira leqrar-is tamettant d ayen aɤ-yewwin ad nesufeɤ taseɤunt-a i d-teqqareḍ.

  4. Azul a gma deg teqbaylit! ilaq ad teḥsuḍ d akken tidukkla n Udrar n Fad tessufuɤ-d yal aseggas tasɤunt n tmedyezt tamaziɤt yerzan ayen yedran deg tfaska iɛeda-n; deg tesɤunt-a ad tafet deg-s kra n yiḥricen am: Tamedyezt n mraw (10) n yimezwura i d-yufraren akk d uneqqis wayen i d-yellan ama deg yisaragen neɤ deg yisekwan, ad tafem daɤen kra wayen yerzan tafaska-ya sumata(tugniwin, tifrsirin, imagraden,…) s tutlayt n Si lbacir Amellaḥ.
    Ihi a gma nezra d akken tutlayt war tira leqrar-is tamettant d ayen aɤ-yewwin ad nesufeɤ taseɤunt-a i d-teqqareḍ.

  5. ayen akka,ulac aeni la mixité deg udrar n’ fad almi di tesswira yaggi taezlem arac ghef tehdayin?nekk cefigh asmi qaregh deg ghurvaz,seghimiyenagh aqcic tteqcict.negh ahat as a iveddel el weqt?

  6. ayen akka,ulac aeni la mixité deg udrar n’ fad almi di tesswira yaggi taezlem arac ghef tehdayin?nekk cefigh asmi qaregh deg ghurvaz,seghimiyenagh aqcic tteqcict.negh ahat as a iveddel el weqt?

Comments are closed.