{{Amezruy n teslandit :}}
Amezruy n tutlayt tislandit yebda-d seg yiẓuran-is ihendiyen-urupiyen. Atan webrid i d-tewwi i wakken ad d-taweḍ ɣer wakken tella assa : Tutlayin tihendiyin-turupiyin → tutlayin tijirmaniyin → tutlayin tiskundinaviyin → tutlayin tiskundinaviyin umalu → tislandit.
Tislandit d tutlayt i d-yekkan seg yiẓuran n tnurwat (tutlayt taskundinavit tamezwarut yettwuran, ttmeslayen-tt deg Tallit Talemmast). Tislandit tessaweḍ teḥrez tutlayt-a imi tebεed ɣef tmura tiskundinaviyin nniḍen, ama deg timawit neɣ deg tira. Dɣa ɣef wannecta ad d-naf Islandiyen zemren ad d-ɣren akken iwata iḍrisen yuran ɣas deg lqern wis-13.
Anekcum n Yidanwaten, i yeqqimen sebεa n leqrun, ur iḍḍur ara nezzeh tutlayt. Islandiyen sqedcen tadanwat ala deg teywalt tunṣibt. Wameg deg tudert-nsen n yal ass zgan d tutlayt-nsen tayemmat i tmeslayen. Ula d anekcum n Marikan (seg 1940 ar 1950) ur tesεiḍ d acu i iḥuz deg teslandit.
Assa, Islandiyen snulfan-d tijemmuyaε i yimyura akked yimesnulfawalen. Tawuri-nsent d asnulfu n wawalen imaynuten i wakken ad d-ḥebsent aseqdec n wawalen iberraniyen i d-yemmalen tiɣawsiwin timaynutin n tallit-a. Seg 1944, tislandit tuɣal d nettat kan i d tutlayt tunṣibt n Island.
{{Imsawalen n teslandit:}}
Tutlayt tislandit tesεa azal n 300 000 n yemsawalen, tuget deg-sen d imezdaɣ n Island. D nettat kan i d tutlayt tunṣibt n tmurt.
Tira tarunikt (i sseqdacen seg useggas 200) beddlen-tt s ugemmay alaṭini i sen-d-tḥettem Teglizt. Ger tutlayin tiskundinaviyin, anager tislandit i yettwuran (tiyaḍ qqiment kan d tantiliwin i waṭas n wakud). Nettat meḥsub teqqim akken tella zik, ur tebḍi ara d tantiliwin neɣ d tutlayin.
Tislandit d tutlayt tidersit, acku mačči aṭas i tt-yessawalen, maca ɣas akken, tezga tessufuɣ-d 1300 n yedlisen i useggas.
Islandiyen mačči ala tislandit i qqaren. Almad n teglizit d win i yettuḥettmen fell-asen deg uɣerbaz seg 1946.
{{Idles asland:}}
Island d tamurt icebḥen s waṭas. D tamurt i yesderwicen s isukiyen-is ihrawanen, s tuddar-is isettfen ɣef yiri n lebḥer, s wegris i d-yufraren ɣef waman deg tama Ugafa-Amalu, s teftisin yessan s yijdi aberkan deg tama n Wenẓul, s tegzirin n Vestmann, s 200 idurar-is i irekkmen ar tura (Hekla d win i mucaεen s waṭas), s 800 n yiɣbula n waman yeḥman.
Island d tamurt tilemẓit (40% n yimezdaɣ-is ɣur-sen ddaw n 18 iseggasen). D tamurt yettamnen s tmasiḥit n Luther, i iḥemmlen aṭas taẓuri. D tamurt i iḥerzen daɣen timucuha-ines ( tteryel, iwaɣezniwen, tiruḥaniyin yettferfiren..).
Islandiyen ttwasnen s tgemrawt n yiselman am tmurut akked tbalint. Ttwassnen daɣen s nnwal ẓiḍen i d-sewwayen s uksum n izimer, s iselman akked igumman (lfakya) nniḍen n lebḥer (am “hangikjőt” neɣ “svid”). Maca yella daɣen “styr” (yiwen ufermaǧ amellal) akked “brennivin” (ccrab i d-tekksen seg lbaṭaṭa).
Dacu kan, Island d tamurt daɣen i yessewhamen tikwal: ad t-tafeḍ tessuli aṭas i tebzert ɣef ccrab, maca tessuref i Ecstasy i d-yettwakksen seg teḥcict. Ula d lbuks aṭas i mmeslayen fell-as bacu akken yewweḍ yekcem-d ger waddalen iɣelnawen.
Azul felawen,
Amigad agui ig wulem anekdem iwanken addil tafat felagh. Nuklal anili aken nebgua, anidir di tlili nagh.
Tanmirt
Azul felawen,
Amigad agui ig wulem anekdem iwanken addil tafat felagh. Nuklal anili aken nebgua, anidir di tlili nagh.
Tanmirt
A wi sɛan aman akka am nutni…
Ula d nutni ahat qqaren-as « a wi sεan tibexsisin d igumman am nutni »..mst
A wi sɛan aman akka am nutni…
Ula d nutni ahat qqaren-as « a wi sεan tibexsisin d igumman am nutni »..mst
Comments are closed.