Tarbaεt tigawt d wawal tufrar-d deg tfaska n At Mεuc

0
455

Ass-a n lḥedd 05 cṭember 2010 i tekfa n tfaska n umezgun « Σezdin Meǧǧubi », i d-theyya tiddukla tadelsant Inmnayen n tɣerma n taddart n Wutrunen, taɣiwant n At Mεuc. Aṭas n trebbuyaε i d-yulin, urarent-d timezgunin-nsent. Maca tin i d-yufraren s waṭas d tarbaεt « tigawt d wawal » n tiddukla n Numidya n Wehran. Kraḍ (03) n warrazen i d-tḥella sdeffir imi turar iḍelli n ssebt 04/09/2010 tamezgunt-is, tin iwumi tga isem « {{Aneggaru ad d-yerr tawwurt, yeččur Wesqif n ṭṭmana}} »:
– Arraz n uhanay yufraren
– Arraz amezwaru n tririt s asayes
– Arraz n temyurart yufraren yettunefk i Ǧiǧi.

I usmekti kan, tarbaεt-a, iɣef yella umyaru Ǧamal Benεuf d aqerruy, turar yakan sendiḍelli deg taddart n Temkadbut (At Bwaddu), assa ad turar deg taddart n Tiwal (At Mεuc), azekka ad tekfu tirza-ines ɣer Tmurt n Yeqbayliyen deg taddart n Belεeggal (Iɣil Σli).