Wa d anagi n yiwen urumi, i yeddren deg Bgayet, deg ussan imenza n waggur n tuber 1833. Ad yili ahat d ccifan-is i s-d-yessutren ad yidir akked Yeqbayliyen akken ad yissin timetti taqbaylit. Di 1846, 13 iseggasen ar deqqal n tudert-is ger wat Tmurt, yessufeɣ-d yiwen wedlis, anda i d-yemla ayen iwala. Iga-yas azwel “Tamurt n Yeqbayliyen, Inadiyen akked Tmuɣliwin” (La Kabylie, Recherches et Observations)
Nessuqel-d aḥric amenzu n wedlis-a, imi deg-s yuɣal-d ɣef waṭas n temsal iɣef yeṭṭuqet wawal ger Yeqbayliyen taggara-a. Ahat ad d-yernu kra deg wayen yellan yakan. Deg weḥric-a, yemmeslay-d ɣef Yeqbayliyen, ɣef wamek mmugen, ansayen-nsen, axeddim-nsen akked wamek tbedd tmetti-nsen.
Iḍelli (01/09/2010) ɣef lewhi n tlata n sbeḥ, azal n 1000 iεsekriyen, mkul senf “imsulta, iǧadarmiyen, iserdasen" gguǧen-d γer tγiwant n At Mεuc i d-yezgan deg unẓul asamar n Bgayet. Sebba d lbiεa, sufɣen awal yella rebrab. Kra n lγaci i d-yeḥkan belli rebrab iceyyeε-d yiwen wemdan yefka-yas-d 4000 DA i wakken ad s-d-yaɣ ayefki akked tmer.
