Tajmilt i Muḥya ass n 01.11.2010

6
267

D timlilit ideg ara d-γren s leεyaḍ neγ « à la Muḥya » deg wezniq, kra n tukkisin seg wayen d-yesker deg isefra yakkd umezgun n tmezgunin imeqqranen n ddunit d-yesmuḥyet γer teqbaylit.

Ssi Nistri, ssi Funi, lalla Mjilat, Maître Budima Meεεahu, Piluca, Ḥlima n tala, jeddi Yebrahim, wiyaḍ d tiyaḍ, d ismawen swayes ara yemsalwalen gar-asen waṭas n yemdanen ger widak d-iheggan timlilit-agi ass-nni deg webrid(rue) d’Amboise di Lpari tis-snat, anida yella yesεa Muḥya taḥanut-is zik-nni. Timlilt-agi a d-tili ass n 01.11.2010 Si 10:30 alamma 13:30

Mi ara tekfu tγuri n tukkisin n kra seg wayen d-yesker, ad mlilen akk widak yellan din zdat wanida yesεa taḥanut, ad ssiγen ticemmaεin, ad ssersen ijeğğigen, a d-ssiwlen isefra fell-as neγ ad cnun s umata kra si tezlatin yettwazegren s isefra n Muḥya am « Uh ya ddin qessam »…atg.

Iqbayliyen akk ara yilin ass-nni dinna, d nutni i d imezwura ara yemserbaḥen gar-asen akka: « Taskelmuḥyet tameggazt ».

Muḥya d taqbaylit, taqbaylit d Muḥya.

6 COMMENTS

  1. tanemirt i wiggi id iheggan tajemilt aggi iw unazzur nne& amuqran,maena
    drus id effekkam isallen &ef anda akka ar ad eddru tejmilt aggi!uttun n wevrid ambroise,isem la station,uttun u metro,ad sisehlen rwah.
    tanemirt

    • Abrid meẓẓi, ad t-neččar si ccukka ara γ-yeskecmen γur-s, alamma d tin ara γ-yessufγen seg-s.

      Yal amdan ad ibedd anida d as-yehwa, a d-yessufeγ isebtaren-is ideg yura tukkisin n wayen d-yesker Muḥya, ad yendeh yes-sent.

      Atan nenna-d isem n webrid d wanida(Lpari tis-snat), yal amdan iran a d-yas, ur walaγ ara uguren-agi imeqqranen ara d-yemlil akken a d-yaf tansa-agi.

      Imuḍan d widak ur nezmir i yiman-nsen, qqimet ttxilwet deg yixxamen-nwen, acku
      ulac win ara d-yelhun yid-wen ass-nni!

      Tanemmirt!

  2. tanemirt i wiggi id iheggan tajemilt aggi iw unazzur nne& amuqran,maena
    drus id effekkam isallen &ef anda akka ar ad eddru tejmilt aggi!uttun n wevrid ambroise,isem la station,uttun u metro,ad sisehlen rwah.
    tanemirt

    • Abrid meẓẓi, ad t-neččar si ccukka ara γ-yeskecmen γur-s, alamma d tin ara γ-yessufγen seg-s.

      Yal amdan ad ibedd anida d as-yehwa, a d-yessufeγ isebtaren-is ideg yura tukkisin n wayen d-yesker Muḥya, ad yendeh yes-sent.

      Atan nenna-d isem n webrid d wanida(Lpari tis-snat), yal amdan iran a d-yas, ur walaγ ara uguren-agi imeqqranen ara d-yemlil akken a d-yaf tansa-agi.

      Imuḍan d widak ur nezmir i yiman-nsen, qqimet ttxilwet deg yixxamen-nwen, acku
      ulac win ara d-yelhun yid-wen ass-nni!

      Tanemmirt!

Comments are closed.