Di tmurt-nneɣ ara assa llan yergazen yeqqaren: „ A nerrez wala a neknu“.
S wakka ɣilen ɣur-sen tirrugza, ɣur-sen „nnif“.
Acḥal d argaz yennan: „Nekk ur ttagadeɣ ula d yiwen, ur ttuḥwajeɣ yiwen“.
Argaz-a yezmer ad yini yiwen yeččur d: „nnif n twaɣit“.
Llan kra n yezwawen (llant kra n tezwawin) qqaren (t): „ur yessefk ara a nettnaɣ gar-neɣ. Yessefk a nemyuṭṭaf afus deg ufus i wakken a nessali tamurt“.
Aɣmis Tamurt.info isferḥen iqbayliyen deg yal tama n umaḍal xas, akken melmi kan id ilul, atan iteddu ittnerni. Lebɣi-s d tiririt i usuter illan sɣur iqbayliyen akken ad sεun ula d nuteni allalen n taywalt ara ten-id isdukulen anda ma bɣun ilin. Maca mačči kan daya, imi allalen n taywalt, ur d-ttawin kra, ma yella txuṣ-iten tlelli n umeslay d tin n wawal.
Anda ur ḍsint ara teḥdayin d lmuḥal ad zhun warrac, i d-yenna umedyaz deg wawal-is. Si zzman n zzamn, amdan yessefra ɣef tmeṭṭut. Yura ɣef zzin-is, ɣef tayri yezzuzun ɣer ljiha-s. Tameṭṭut deg wallen umedyaz tikwal d leεnaya, tikwal d irebbi n leḥnana, tikwal d aman yessizdigen ixef- is. Di yal lawan yezga d anadi fell-as.
Ass-a zrin tmanya urebεin iseggasen γef temlilit nni “accords d’evian” I d-yeḍran di 19 meγres 1962 ger yemḍebbren n tegrawla-nneγ d yemḍebbren n fransa. Agdud yumen, iγil d ayen ters-d talwit. Amzun d tidet , ad teğğuğǧeg tlelli, ad d-tili tegmat ger yemdanen. Maca, i yeḍran ara yeḍrun. Ayen ak γef innuγ wegdud Aqbayli, iruḥ am telda yečča yilef, am temzin-nni yeεlef weγyul.
D tidet, mazal ar ass-a, imḍebbren n tmurt tettun irgazen-nneɣ xersum wid n yidles, tettun ula d imeγṛasen, ur ten-d ittekkar lḥir akken a d-as nerren tajmilt, ɣas ula s wawal. Tmanya wrebɛin iseggasen aya tura i izrin ɣef tmenɣiwt n Mulud Ferɛun, ulac win it-d-ibedren, ala ɣer kra n tdukkliwin.
