Abaynu (Timeẓrit‑Bgayet): Yečča wasif sin n watmaten !

2
582
Asif
Asif

Timeẓrit‑Bgayet (Tamurt) – Sin n watmaten yeččaten wasif ass-nni n Lǧemɛa ɣef lewhi n ssaɛtin n tmeddit 14h. Yiwen 15 n yiseggasen wayeḍ 17 n yiseggasen. Ameẓyan-nni yekkes-it-id yiwen assen yakan, yeslek, ma d wayeḍ-nni, mazal-it ar ass-a deg wasif ur tufin ara.

Imawlan n uqcic qqimen deg urrif d uraju melmi ara d-tifrir tafat ad d-afen mmi-tsen akken ad tmeḍlen. Imezdaɣ nnan-d ; 5 n ussan-aya ula d yiwen seg yimdebbren ur d-igir afus neɣ ad d-yessteqsi ɣef temsalt-a. Ḥala wid iɣaḍ lḥal id yusan yal wa s ttawil-is, imi llant azal n 11 n tmacinin akked yikumya yekkaten ad rren asif ɣer tama nniḍen, ahat ad d-afen anida yewḥel uqcic yemeččen.

Imezdaɣ n taddart n Ubaynu gezmen abrid aɣelnaw wis 26 di tama n Rmila akked ubrid yettawin sed Tmeẓrit ɣer Sidi-Ɛic akken ad sbeynen urrif nsen ɣef yimḍebbren i yewwten nneḥ ɣef temsalt yecban tayi.

Ɛerḍen iǧadarmiyen ad llin abrid i yettawin seg Tmeẓrit ɣer Sidi-Ɛic maca ur zmiren ara imi ilmeẓyen i yellan dinn-a nnan d akken, ma mazal ur d-fkin ara yimḍebbren afus n tallelt , ur nleddi ara abrid ɣas ad ɣlint terwiḥin.

Ar tura mazal ur d-iban kra n yisali amaynut.
Ul yejreḥ tasa tceqqeq ǧǧan aqbayli yeɣreq !!!

2 COMMENTS

  1. D tidet
    . aka i tedra d uqbayli, macci d yiwet ad tt-iqabel: uguren, iɣeblan, iɛewwiqen, tiwuɣa…akked wayen nniḍen, tirɣi leɣrama.

    am twaɣit yeḍran d waqcic n 17 iseggasen yewwit wasif; ddurt ur tufin . amek ar tḥamleḍ imḍebren am weyyi; la tasa wala ul. di wɣezniwen!
    aqbyli seg zik i yfaq ulac ddula d tmurt-agi

  2. D tidet
    . aka i tedra d uqbayli, macci d yiwet ad tt-iqabel: uguren, iɣeblan, iɛewwiqen, tiwuɣa…akked wayen nniḍen, tirɣi leɣrama.

    am twaɣit yeḍran d waqcic n 17 iseggasen yewwit wasif; ddurt ur tufin . amek ar tḥamleḍ imḍebren am weyyi; la tasa wala ul. di wɣezniwen!
    aqbyli seg zik i yfaq ulac ddula d tmurt-agi

Comments are closed.