Tadukli tadelsant « Tadukli » tesfugel tifsuyin n leqbayel

0
251
tasut taberkant
tasut taberkant

Ass n lḥed i yebda leqdic n ddurt tadelsant n tdukli tadelsant « TADUKLI » n umezduɣ asdawan Aɛemriw, i usfuggel n tefsut n yimaziɣn d tefsut taberkant, s temzikent meqqren anda d-sseknen tugniwin n yimeɣrasen iqbayliyen yeɣlin ɣef tlelli, tid n tikliwin, tirawin yemgaraden ama ɣef tefsut d umennuɣ amaziɣ, ama ɣef tgejda n ccna d umennuɣ am Lwennas Meɛtub d wiyaḍ, timzikent-a ad tkemmel arma tfuk ddurt tadelsant deg taggara n ddurt-a i deg nella.

Assen n lḥed ɣef 21:00 ; yella-d yiwen n usarag anda i d-yettwaɛreḍ Mass Ḥemmu Ɛmiruc amaru n udlis « Akfadu, un an avec le colonel Amirouche » « Akfadu, aseggas akked d lkulunil Ɛmiruc » ; anda i d-yemmeslay ɣef tirmit-ines d Ɛmiruc asmi i yella d afus-is ayfus gar 1957-1958. Yewwi-d awal ɣef Ɛmiruc deg tegrawla tazzayrit, tudert-is n yal ass akked yiserdasen-is. Akken daɣ i d-yewwi Mass Ḥemmu awal ɣef yiman-is: tudert-is ladɣa tudert taɛsekrit, asmi yella d anelmad,…
Mass Ḥemmu Ɛmiruc i usmekti, n tezmalt, ixdem deg tneɣlaft n temguri ugar 20 n yiseggasen- gar 1967-1988-; yeɣra 6 n yiseggasen deg Marikan, anda i t-iceyyeɛ unabaḍ azzayri n leɛḍil (GPRA).

Ayen i la txeddem « Tadukli » d tdukliwin niḍen n yimezduɣen n tesddawiyin tiqbayliyin, yesɛa azal meqqren deg useḥbiber ɣef yidles aqbayli d umaziɣ s umata, d uressi n tdukkli gar yinelmaden i yekkat udabu azzayri s lǧehd ad yefreq ama s usekcem n wat ičumar, neɣ s tuddsiwin n yikabaren isertanen n udabu am : UGEL, ONEA, UGEA,… yettabaɛen FLN ; ḤAMAS, RND.