D acu i d aṭṭanen yettaɣen ul ?

Tuget seg medden ɣilen belli aṭṭanen n wul d yiwen kan n ṣṣenf n yiɣeblan n tezmert.

Maca deg tidet, aṭṭanen n wul d ageǧǧuf n yiɣeblan n tezmert
i yettḍurrun leqdic n wul, sebbat-nsen ṭṭuqtent. Deg umedya, aṭṭan n
uẓar n wul yettili-d asmi ara yekmumes umexluḍ n tassemt, lkalsyum
akked yicelman n ccwami (qqaren-asen « tiplakin ») sdaxel n yiẓuran i
d-yettawin idammen i teftilt n wul (Iẓuran ikurunariyen). Akmumes n
teplakin yessidyiq iẓuran, ur yettaǧǧa ara ul ad yawi ayen yeḥwaǧ seg
yidammen.

D acu i tzemrem ad t-txedmem ?

Aṭṭanen n wul yezmer yiwen ad sen-yerwel, yerna ɣer-sen ddwa.
Aḥader igerrzen yessefk-as taεessast ɣef tɣawsiwin i izemren ad
yessiwḍen ɣer waṭṭan n yiẓuran n wul, am tmerna deg uṭansyu n yiẓuran,
aṭṭan n ssker, tissit n ddexxan, tteqlaq, tissit n ccrab sennig wayen
yessefken, ticki amdan ur yleḥḥu ara ; tafekka tawfayant nezzeh.

Ma yella ufan-d ɣer-wen kra n weɣbel n wul, llan iseḥluyen ara
wen-d-yefken afus akken ad tseḥbibrem ɣef tezmrt-nwen. Tzemrem ad
tesneqsem ugar seg wayen i ken-yuɣen ma yella tgam aya :

– Idirem s wer ddexxan.
– Xedmem addal.
– Issinem, yerna tεassem aṭansyu n yizuran-nwen.
– Tettem učči zeddigen ur yesεin ara tassemt.
– Sεum taẓit igerrzen, tḥadrem fell-as.
– Aṭṭan-nwen n ssker εassem-t nezzeh.
– Ur ssugutem ara deg tissit n ccrab.
– Ur ttqelliqem ara s waṭas.
– Rezzum yal tikkelt ɣer umejjay, tḍefrem iwellihen-is.

Neqqar di teqbaylit ; aḥezzeb yugar leqḍeɛ, ylaq amdan yal tigawt ara yexdem, ilaq ad yerr lmendad-is ma ur s-d-tettawi ara ayen ara t-yassaḍnen, imi ma nuɣ-itent di tezmert ula ara d-nerr.