Deg ubrid aɣelnaw wis 76 yettεeddin ɣef tama n At Yeεla, yeɣleq webrid s ssebba n yidɣaɣen i igezmen abrid yellan deg uxeddim d usiwseε.
Ugar n tsaεet i εerḍen imezdaɣ ad rẓen adɣaɣ yeṭṭfen akk abrid imi ssawlen i yiɣallen iǧadarmiyen yessawlen s timmad-nsen i tkebbanit yeṭṭfen aḥric n At Yeεla (COSIDAR).
Ineggura-yagi nnan-d belli ixeddamen-nsen akk deg usteεfu i llan imi d Lǧemεa. d ayen yeǧǧan imezdaɣ ad kemmlen deg umεiwen almi i ldin abrid deg ṭṭlam.
Takebbanit COSIDAR i yellan d taɣelnawt tettwassen s ttawil-is ameqran i tesεa, ur tessaweḍ ara ad texdem ccɣel-is kan yernu deg tama yellan d adrar.
Asteqsi i d-yettuɣalen: astehzi-yagi, wissen ma deg Tmurt n Yiqbayliyen kan neɣ d lexsas i nennum ?