Aselway n tiddukla tadelsant Numidya n Wehran ad yezri deg teɣdemt

4
278

{Nekkni s iyennaten-agi,

Nekkni s ikerrucen-agi,

Ifassen-nneɣ d ilmawen

Ur llin ibeckiḍen,

Ma ḥuzan-k atan a mmi

Ulac leslak akk yid-sen

Ad ak-d-ǧǧen ccwami

Ma ur k-nɣin ara a k-hettken”

{Muḥya} }

Taluft i s-d-sbubben d ta: Yesnubget-d yiwet terbaɛt n Yeflamunen n tmurt n Bilǧik akken a d-asen ad ttekkin deg yiwet temlilit i niqal a d-tili deg Wehran, segmi ur d-fkin ara taregt (ttesriḥ) akken ad temmug, dɣa inebgawen-a ẓwan (ruḥen) ɣer tmurt n Leqbayel anda mlalen d leɛrac di tallit-nni n “tefsut taberkant” . Seg yimir-nni (2003) dɣa, d yemsulta la s-d-ssawalen alammi t-ssawḍen ɣer ccreɛ. Ccreɛ yeṭṭef-as s useggas n lḥebs d lexṭeyya di tikkelt tamenzut, di tikkelt tis-snat iberra-t, maca, aprukirur yerẓa ccreɣ ɣer teɣdemt tunnigt ideg ara yezri ass n 26/05/2011.

{“Wi s-yennan ar d ak-wwteɣ

Yerna a k-ggalleɣ

Ma tsuɣeḍ ar d ccetkiɣ”

{Lewnis At Mangellat} }

Ula d yiwen umeɣnas-nniḍen deg tiddukla Numidya, wagi d “Meqqran Buǧemɛi” ad yezri di ccreɛ n Wehran, ass n 24/05/2011 acku yettwet ass n tmeɣra n Yennayer, zzin-as kra n yemdanen zdat tewwurt n “la médiathèque”, rnan gren-d fell-as zuni d netta i yewwten wid i t-yewwten !

4 COMMENTS

  1. Ilaq ass nni (seld azekka, 26 mayu) akk wid iḥemlen aẓar-nsen iwakken ur inegger ara ad ruḥen ar zdat n wexxam n ccreε. An εegeḍ akk bli ad i walli uprikirur mačči iman-is kan i d-yusa. Anaɣ tecfam af wid yeččan deg waggur nni n imselmen. S tegmatt mulac ulac Tamurt.

  2. Yessefk ɣef wid iḥemlen tidett ad rzun ɣer wexxam necreɛ ad bedden ɣer yidis n uselway n tidukla n Numidya. Iqbayliyen ggten di Wahran ilaq ad ɛiwnen aselway.
    Imi weyyi i d as-d yesɣamen nesniten si zik d tamuɣli n wuccen s ulli.
    Agdud yedduklen ur t-yettruẓ yiwen.
    Ad ibyen Rebbi lḥeq. Afud igerzen i wid yetṭfen di Taqbaylit-nsen.

  3. Ilaq ass nni (seld azekka, 26 mayu) akk wid iḥemlen aẓar-nsen iwakken ur inegger ara ad ruḥen ar zdat n wexxam n ccreε. An εegeḍ akk bli ad i walli uprikirur mačči iman-is kan i d-yusa. Anaɣ tecfam af wid yeččan deg waggur nni n imselmen. S tegmatt mulac ulac Tamurt.

  4. Yessefk ɣef wid iḥemlen tidett ad rzun ɣer wexxam necreɛ ad bedden ɣer yidis n uselway n tidukla n Numidya. Iqbayliyen ggten di Wahran ilaq ad ɛiwnen aselway.
    Imi weyyi i d as-d yesɣamen nesniten si zik d tamuɣli n wuccen s ulli.
    Agdud yedduklen ur t-yettruẓ yiwen.
    Ad ibyen Rebbi lḥeq. Afud igerzen i wid yetṭfen di Taqbaylit-nsen.

Comments are closed.