Askasi ɣef Tmaziɣt di tmurt n Lalman

2
322

Massa Parvaneh Ghorishi temmeslay ɣef iɣeblan n Ikurdiyen. Nettat si tmurt n Liran.
Mass Anba Damian (Bischof/eveque) yemmeslay-d ɣef temḥuqranit n Iqubṭiyen di tmurt n Maser.

Mass Hanna Isa yemmeslay-d ɣef iɣeblan n Isuriren di tmurt n Surya.
Mass Abidine Ould-Merzough yemmeslay ɣef iɣeblan n yemdanen Iberkanen di tmurt n Murtania. Yenna ar assa llan yad yeznuzun imdanen (Aklan).

Mass Akli Kebaili netta yemmeslay-d ɣef iɣeblan n Imaziɣen.
Ɣef ayen yeḍran/iḍerrun di tmurt n Libya, Akli yenna : „Am akken amezruy n Imaziɣen yettuɣal-d assa. Dɣa yesmekti-d amezruy n Yezwawen /Iqbayliyen yennuɣen/yemmuten ɣef tlelli n tmurt n Dzayer.

Taggara ttwazerrgen. Assa Imaziɣen n tmurt n Libya tezmer a sen-teḍru akken i teḍra d Yezwawen. Dacu kan yessaram, Imaziɣen n Libya ur srusun ara ‚ṭṭbel deg wama‘ “ alma wwin-d izerfan-nsen“. Akli ikemmel awal-is yenna: „Imaziɣen-a ɣur-sen assa s wacu ara ad ssiwḍen ɣer yiswi-nsen“.

Ameslay ikemmel ɣef Imaziɣen n tmura nniḍen (Dzayer, Maruk akkd Tunes).
Akli yenna: „Ulac aɣref ameqqran d weɣref ameẓẓyan deg taluft n uqader n izerfan n wemdan. Yal aɣref deg umaḍal yessefk ad yesɛu yiwen wezref. Tamezwarut yessefk ad yesɛu azref deg weḥric n tsertit. Yal aɣref ɣur-s azref ad yesseddu tilufa n tameddurt-is netta s yiman-is“.

Dɣa yudder-d amedya n Yezwawen. Yenna: Seg unebdu n useggas n 2010, Izwawen ɣur-sen „Anabaḍ Uɛḍil“ yettazzalen i wakken kra n wass Izwawen ad ssiwḍen ad sbedden Tadsimant/timanit i tmurt-nsen. Di yal tiqernit n tmurt n Yezwawen llan yad (dit) icerwen tidi ɣef tmanit i tmurt-nsen. Annect-a dayen yelhan mi yettili-d s talwit mačči d udebbuz.

2 COMMENTS

  1. Ammer akk Imaziγen di tazwara ur ttewkelxen ara s laman n Rebbi, ammer ur qbilen ara aṭṭan ineqqen tiγermiwin, ittbeddilen imdanen, alama ttun iman nsen d acu-ten, tili mačči akka ara d-teffeγ taggara nneγ s Imaziγen. Acu kan, dirri wi igezzmen layas, imi llan imdanen am Dda Akli Azwaw yettnaγen γaf ddra n tmaziγt, s yis-en, mazal ad nessirem lxir ar zdat.

  2. Ammer akk Imaziγen di tazwara ur ttewkelxen ara s laman n Rebbi, ammer ur qbilen ara aṭṭan ineqqen tiγermiwin, ittbeddilen imdanen, alama ttun iman nsen d acu-ten, tili mačči akka ara d-teffeγ taggara nneγ s Imaziγen. Acu kan, dirri wi igezzmen layas, imi llan imdanen am Dda Akli Azwaw yettnaγen γaf ddra n tmaziγt, s yis-en, mazal ad nessirem lxir ar zdat.

Comments are closed.