Ccwal n tsertit…

8
242

Tamurt n yeqbayliyen, d tamurt i cebḥen, d tin ara yessemlilen imdanen n yal tamnaṭ di talwit, tuɣal d tamurt n ccwal, acuɣer? Acku ccwal yellan ger At Ufella, d win yersen ɣef tsertit, maca ssxedmen tamurt n yiqbayliyen d lkarḍa akken ad awḍen iswi-nnsen.

Iqbayliyen d atmaten n yiwen ubabat, maca yal yiwen s anda ijebbed.
Iqbayliyen akk ur qbilen ara ad tenger cetla-nnsen, ur qbilen ara tamttant n tutlayt-nnsen.

Segmi ur d-telli talwit ger iqbayliyen, simmal ccwal yettnerni ger iqbayliyen.
Ass-a, ccwal yellan ger iqbayliyen d win At Ufella neɣ d win iqbayliyen.
Tamurt n yiqbayliyen, d tamurt yelhan aṭas deg umaḍal mechur yisem-is tezmer ad tecbu Swis tamecṭuḥt, d tin ɣer ara d-rzun medden meṛṛa.

At Ufella d wid yessimɣuren ccwal ama iḍelli ama ass-a, d wid yebɣan ad snegren laṣel s yisem n tsertit…Am akken tamurt ur tezmir ara ad ttnerni s Weqbayli.

Deg iseggasen-agi ineggura, tilufa ttzident di tmurt n Yeqbayliyen, yal wa d asɣar i d-irennu i tmes. Maca, ma ad asen-tesleḍ ttmeslayen ɣef tmurt n leqbayel ulac win ur as-nebɣi talwit.

At Ufella daɣen cennun s tmurt n leqbayel, tuɣal tmurt n yeqbayliyen d isem kan yettazalen deg ilsawen, d tilawt, ur bɣin ara ad telhu tmurt n yeqbayliyen acku aṭas n tɣawsiwin ara asen-yefɣen afus ama i Yat Ufella am d wid yeddan yid-sen.

Amek ara terfed iman-is tmurt n yeqbayliyen ma yella At Ufella ara tt-yesnernin,rran-tt d anar n ccwal, akken Aqbayli ur d-irfed ara aqerruy-is?
Ineggura-agi, d wid yesnen anagar ccwal i tmurt n yeqbayliyen. D wid iɣeṭṭlen tawaɣit ɣef wegdud Aqbayli.

Amer d lebɣi, At Ufella d wid i ten-yecban ad qimen deg wemkan-nnsen, ad ǧǧen Aqbayli ad yessali tamurt-is.

8 COMMENTS

  1. di tazwara ak-inniɣ tanemmirt ɣef umagrad agi id d-uriḍ.
    Tikwal seqsayeɣ iman-iw ma yella d tidett tella tsartit di tmurt-nneɣ. tin sexdamen ikubar yeẓẓan di tmurt d tin iwumi qqaren « stut, d iqanan  » wigi sawalen-as tasartit. ttidiren am ileɣdimen  » vampire  » ttidiren kan deg ucetem, deg uqecem n wayeḍ. lukan s tidett ḥemmlen tamurt tili ata segmen-tt, d nutni i yeṭfen tiɣiwaniyin acḥal d asseggas umaɛna ulac acu id-das-d-rnan. akken yenna Ait Manguellet  » win yettrun ɣef lbatel mi i yezmer ixedem-it  » neɣ bittak kkaten aɣyul darin tabarda-s. tamurt n iqbayliyen tella d lsas itmurt n lzzayer deg umennuɣ, neɣ deg uxeddim adabu yewwet almi yebda att-yettruẓu, tiyita s ikubar agi.
    Ma yella nebɣ tasartit n tidett, tasartit n unaqel, n uxeddim ɣas an-ḍfeṛ abrid n timanitt ɣas ahat ɣezif maɛna yeseffuɣ. acku ass-a negra-d ger sin iberdan timanit neɣ nger…

    • azul s tusda a crif nek d amdakel ik raziq
      d tidet tamurt n yeqbayleyen attan deg yir hala sebba s d adabu ams*cum i g zzan lhif d yar tudert ula d at icumar ayi atan tziden renun di tmurt nnegh s ufus n udabu ayi maca anect a ur gh ihebes ara i waken an s3um asirem deg tudert nnegh n yas ihi ag d hdugh wayi i kec d wid i k yecban

      ghas ugten felagh wuguren
      ayen i nebghaat n awet
      ghas caten yan ixed3en
      amkan ghef i n 3eda at nesfet
      ghas abrid nnegh yessawen
      d awezgha bac a n cet ghas atta deg nnegh yemuten
      izen n sen gher ghurnegh id yewet

  2. di tazwara ak-inniɣ tanemmirt ɣef umagrad agi id d-uriḍ.
    Tikwal seqsayeɣ iman-iw ma yella d tidett tella tsartit di tmurt-nneɣ. tin sexdamen ikubar yeẓẓan di tmurt d tin iwumi qqaren « stut, d iqanan  » wigi sawalen-as tasartit. ttidiren am ileɣdimen  » vampire  » ttidiren kan deg ucetem, deg uqecem n wayeḍ. lukan s tidett ḥemmlen tamurt tili ata segmen-tt, d nutni i yeṭfen tiɣiwaniyin acḥal d asseggas umaɛna ulac acu id-das-d-rnan. akken yenna Ait Manguellet  » win yettrun ɣef lbatel mi i yezmer ixedem-it  » neɣ bittak kkaten aɣyul darin tabarda-s. tamurt n iqbayliyen tella d lsas itmurt n lzzayer deg umennuɣ, neɣ deg uxeddim adabu yewwet almi yebda att-yettruẓu, tiyita s ikubar agi.
    Ma yella nebɣ tasartit n tidett, tasartit n unaqel, n uxeddim ɣas an-ḍfeṛ abrid n timanitt ɣas ahat ɣezif maɛna yeseffuɣ. acku ass-a negra-d ger sin iberdan timanit neɣ nger…

    • azul s tusda a crif nek d amdakel ik raziq
      d tidet tamurt n yeqbayleyen attan deg yir hala sebba s d adabu ams*cum i g zzan lhif d yar tudert ula d at icumar ayi atan tziden renun di tmurt nnegh s ufus n udabu ayi maca anect a ur gh ihebes ara i waken an s3um asirem deg tudert nnegh n yas ihi ag d hdugh wayi i kec d wid i k yecban

      ghas ugten felagh wuguren
      ayen i nebghaat n awet
      ghas caten yan ixed3en
      amkan ghef i n 3eda at nesfet
      ghas abrid nnegh yessawen
      d awezgha bac a n cet ghas atta deg nnegh yemuten
      izen n sen gher ghurnegh id yewet

  3. Tanemmirt a Crif γef umagrad-a inek, s wazal n wid akk i d-yettarun s tutlayt-a nneγ, ama, d imagraden, ama, d iwenniten, acku, ma ur nettaru yara s teqbaylit, amek ara nenwu ad tennerni. Tuget n tγiwanin di tmurt Leqbayel, ikabaren i tent-isedduyen banen, di tazwara nennwa deg-sen kra, ar taggara teḍra-d yid nneγ, am izamaren yeṭṭafaren uccen, ur ccliεen ara akk deg ubrid ara yessiwḍen Iqbayliyen ar wayen bγan, ayen yellan d taqbaylit εemmed-as ad ittubeddel, anida-tt tmetti nni, anida-tt J.S.K nni, ttmuqqulen deg isalafiyen rreggin deg leεwayed nneγ, nutni ssusmen, acḥal n tuddar ila ssderwcen ass-a, ammer yeddir Matub ad yeccnu fell asen.

    • Ilmend n yennayer 2962 ttbudduγ: tudert i tmaziγt d Imaziγen, aseggas ameggaz i wid i d-yeṭṭafaren asmel, d wid iqeddcen deg-s.

  4. Tanemmirt a Crif γef umagrad-a inek, s wazal n wid akk i d-yettarun s tutlayt-a nneγ, ama, d imagraden, ama, d iwenniten, acku, ma ur nettaru yara s teqbaylit, amek ara nenwu ad tennerni. Tuget n tγiwanin di tmurt Leqbayel, ikabaren i tent-isedduyen banen, di tazwara nennwa deg-sen kra, ar taggara teḍra-d yid nneγ, am izamaren yeṭṭafaren uccen, ur ccliεen ara akk deg ubrid ara yessiwḍen Iqbayliyen ar wayen bγan, ayen yellan d taqbaylit εemmed-as ad ittubeddel, anida-tt tmetti nni, anida-tt J.S.K nni, ttmuqqulen deg isalafiyen rreggin deg leεwayed nneγ, nutni ssusmen, acḥal n tuddar ila ssderwcen ass-a, ammer yeddir Matub ad yeccnu fell asen.

    • Ilmend n yennayer 2962 ttbudduγ: tudert i tmaziγt d Imaziγen, aseggas ameggaz i wid i d-yeṭṭafaren asmel, d wid iqeddcen deg-s.

Comments are closed.