S wallalen akk yesεa udabu amesbaṭali n Lezzayer, Amussu i Timanit n Tmurt n Yiqbayliyen yessaweḍ ad yeǧǧ iḍan n Butefliqa ad d-beyynen tiggdi-nsen seg Umussu i Timanit akked Unabaḍ imi srid kan i s-t-id-nnan i uselway mass Buεziz At Cebbib : iswi-nneɣ ass-a d ibeddi sdat n tmesbanit-agi-nwen xas d tikli n talwit.
Aya d ayen ara yeǧǧen Iqbayliyen n umaḍal akken llan ad walin lḥers yettuseqdacen ɣef wakal n Mεemmri d Σebban yerna s yiberdan imeεfan; ɣef aya yessefk ɣef yimeɣnasen n Timanit ad d-agmen tabɣest akked trugza imi d nutni i d uṭun amezwaru n usirem i Tmurt n Yiqbayliyen akked Lezzayer n yiɣerfan dɣa d nutni i d izem n udabu.
L.Y.
