Yefka-d uneɣlaf n lumur n daxel tameddit-agi igemmaḍ unsiben n tefranin n 10 Mayu ladɣa war abeddel deg tqacuct i teṭṭef Tirni n uslelli ( FLN ) si leqdim n zzman.
Deg yiwen usarag n tɣamsa, yefka-d uneɣlaf n lumur n daxel ass-a igemmaḍ ineggura n tefranin menbeɛd araju n wass s timmad-is.
Igemmaḍ i d-yefka udabu amesbaṭli d wid kan nnumen iɣerfan n Lezzayer imi d Tirni n uslelli aɣelnaw ( FLN )i yewwin tuget am leεwayed s 220 imeḍqan yettwaḍfer s Ugraw aɣelnaw amegday ( RND ) s 68 imeḍqan deffir-nsen akabar n Temsisit tazegzawt s 48 imeḍqan.
Tirni n yiɣallen inemlayen ( FFS ) d win i wumi ttunefken 21 imeḍqan ddaw-as Akabar n yixeddamen s 20 imeḍqan syin ad d-asen Imunan s 19 imeḍqan.
Deg taggara n leǧrida ad naf Tirni taɣelnawt tazzayrit s 9 imeḍqan ( FNA ), Taɣdemt ( El Adala ) s 7, Amussu aɣerfan azzayri ( MPA ) 6 imeḍqan, Tafejrit ( El Fadjr ) 5 imeḍqan, ikubar FC, PNSD akked RA isaḥ-asen-d 4 imeḍqan i yal yiwen; ineggura d FNJS akked AHD 54 ad ṭṭfen 3 ikersiyen.
Tafranin agikana am tmecredt: myal yiwen s umur-is. Ma d ayen nniden ZIK N ZIK-NNI yif s watas LEQDIM N ZMAN, yak a Lmu?
Tafranin agikana am tmecredt: myal yiwen s umur-is. Ma d ayen nniden ZIK N ZIK-NNI yif s watas LEQDIM N ZMAN, yak a Lmu?
Comments are closed.