Teḍra-d yiwet n twaɣit n ukerrus, tamedit n wass n tlata yezrin, deg wemkan umi sawalen Ccuyu, zdat n temdint n Amizur, anda d-tegla s yiwet n lmuta akked yiwen n umejruḥ.
Wid tḥuza twaɣit-agi d atmaten, yiwen weqcic n 5 iseggasen, akked weltma-s n 7 iseggasen. Sin watmaten-agi teddun ad zegren abrid, m akken i ten-tezḍeḥ tumubil, tsegra-d lmut n weqcic. Yessufeɣ rruḥ di sbiṭar n Bgayet, ma d weltma-s temneɛ di lmut maca tettwajreḥ.
