Iḍelli n tlata 3 deg waggur n yunyu, imezdaɣ n taddart Snadla di tɣiwant n Dreɛ Lqayed di lwilaya n Bgayet belɛen abrid aɣelnaw wis-9, i wakken ad d-seknen lɣiḍ-nnsen mgal yir ḥala i deg ttidiren, imi ulac aman deg yixxamen.
Imezadɣ-agi ur ufin ttawil nniḍen s ara siwḍen izen-nnsen anagar abelleɛ n webrid aɣelnawwis-9. Imezdaɣ-agi nnan ulac tabburt ɣer ur seṭbeṭben, maca mebla lfayda. Lqella n waman n tisit deg tbernin mačči d ayen yezmer wemdan ad iḥamel imi yennerna wezɣal.
