Imezdaɣ n taddart Ubaynu yeṭṭafaren taɣiwant n Tmeẓrit di lwilaya n Bgayet, bellɛen taɣiwant n Tmeẓrit ass n lḥed 26 ɣuct.
Imezdaɣ-agi ran ad d-sseknen lɣiḍ-nnsen mgal imḍebren n tɣiwant ur d-nelhi maḍi d iɣeblan-nnsen.
Imezdaɣ-agi ɛyan deg uraǧu imi yuɣ lḥal sersen yakan taffa n isuturen zrin fell-as 8 iseggasen.
Ger wayen iceɣben imezdaɣ-agi:
– awenneɛ di tudert nnsen.
Rnu ɣer waya; asuffeɣ n waman iluɣen, tafat n iberdan, aqeɛɛed n iberdan-nnsen yehruran, asekcem n lxiṭ n ttilifun, lqella n waman n tissit, asufeɣ n iḍuman…atg.
Imezdaɣ mazal ttrajun tifrat ar ass-a deg ussan!
C.W.