Taddart Tameqrant (Bgayet): Imezdaɣ cetkan ɣer imḍebbren n lwilaya

0
3212
Lwilaya n Bgayet
Lwilaya n Bgayet

BGAYET (TAMURT) – Lexsas n waman, yir iberdan akked tugett n leknis deg iberdan yesserfa imezdaɣ n Taddart tameqrant di tɣiwant n Amizur. D anect-agi i yissawḍen imezdaɣ-agi ad cektin ɣer wid terza temsalt ass-a n tlata 8 deg waggur n tuber.

Imezdaɣ n taddart-agi, nnan d akken ɣas iffeɣ unebdu mazal aman xusen di taddart-nnsen. Am akken daɣen i ttcektin ɣef yir ḥala n webrid-nnsen ur nelhi madi i tikli, ayen yeǧǧan wid isexdamen tikeyas ḍruran s waṭas, rnu ɣer waya imezdaɣ-agi wehmen d acu i yeǧǧan imeḍbren teɛna temsalt ur jmiɛen ara leknis imi ayagi iḍur imezdaɣ s yir rriḥa, izan d tizzit akked waṭanen ara d-yekken s leknis-agi.

C.W