Tamurt n yiqbayliyen: Tukarḍa n yimdanen tettkemmil

0
281
Tukerda n yemdanen
Tukerda n yemdanen

Yusa-yaɣ-d yiwen isali id-yeqqaren: Mass Magu Aɣilas ( Madjou Aghilas ) hatan yettwacelqef (yettwaker) di tama n tegzirt ass n lexmis 18 tuber 2012 yernu Ilemẓi-agi yuḍen aṭṭan n sekkar.

Taddart-is “At Illul” id-yussan deg uẓeffun, tessawal i yeqbayliyen anda ma llan akken ad ilin ɣer yidis n twacult n ilemẓ yag, i wakken ad d-yuɣal ɣer wexxam-is.

Tettwaheggad yiwet n tikli akked tagant n snat swayeɛ akken ad d-yili usutar n ussareḥ n Ɣilas melba ccerṭ. Tikli-agi ad d-tili ass n Lḥed 21/10/12 deg uẓeffun seg wexxam n tɣiwant a la ma d axxam n Tedwirt n temdint agi.

Tadyant-agi ad d-ternu ɣer waṭas n tiyaḍ id-yellan yakan di tmurt n iqbayeliyen. I wesmekti kan tadyant taneggarut d tin n Muqran Belqasem id-yellan di Meɣres 2012. Aṭṭan agi id-yeɣlin ɣef tmurt n iqbayliyen yettnerni seg wass ɣer wass.

Asteqsi-nneɣ d wagi: Anda yella udabu? D anwaten yemdanen agi itezzin am tgarfiwin ɣef tmurt n n iqbayliyen? Acuɣer ayagi yettili-d kan di tmurt n iqbayliyen?

Sɣur Muccen