Tidett neguma ad tt-nqabel, nugi ɣur-s ad nezzi, nna-aɣ-d qqarriḥet!
D amcum i la irebḥen, ara irebḥen, acku ur yeksib leḥya, zur wudem-is; udem-nni yesared s isaɣwen. D mmis n laṣel ara ixeṣren acku ur yessin i txeṣart, ur iqebbel leɣlaḍ.
Ass-a, tamurt tuɣal d annar n ilefḍan akked wammus, d lbur. Idammen uɣalen ttmirin akken yettmiri ugeffur anda nniḍen. Iqbayliyen werǧin meyzen belli yezmer ad d-yaweḍ wass anda Tamurt n Yiqbeyliyen ad ttawed i liḥala i deg tella ass-a. Ass-a iban anwa i d acengu, yeḍra lbaṭel di yal imeḍqan, di tugett n tegnatin lbaṭel-nsen iban am aggur deg ass n tziri.
