YENNAYER N TDUKLI D TLELLI

6
237

Yeffeɣ useggas, ad yekcem wayeḍnin. Deg wayen yezrin, ad d-nelmed ad d-nissin, ad d-nagem timsirin, ad nesfeḍ tucḍiwin : Aɣref ur neddukel d amuḍin, d nger i t-yeggunin.

Timeddukal, imeddukal

Sarameɣ-awen (t) tazmert, tumert, tudert ara yiȥiden am tayri. Vuddeɣ-awen (t) talwit, tankelwit, tamendit di laɛnaya n tlelli.

Tiqvayliyin, iqvayliyen :

Tanekra turw-d tayeḍ

S nnif i d-nɛeggeḍ :

Ad yidir weɣref aqvayli.

Neffeɣ-d si tizzayrit

Nvedd s teqvaylit

Nuɣ avrid n tlelli.

Ur nettanez ur nettnuz

Ur nkennu ur nettruẓ

ɣer sdat tikli.

Taqvaylit d iman-nneɣ

Tidet d awal-nneɣ

Tugdut d lsas-nneɣ

Talakt d azal-nneɣ

Talwit d asirem-nneɣ

Tagmat d afud-nneɣ

Awanek aqvayli d iswi-nneɣ.

Targit-nneɣ ad-teffeɣ

ɣer tlelli ad aɣ-tessufeɣ.

Timaziɣin, imaziɣen :

wer nekmiz i yiman-is,

Ulac win ara s-ikemzen.

Yal aɣref amaziɣ ad yegriwel

Ad yerreẓ azaglu i t-yurzen.

S iɣallen yezdin

Ma d igenni ara d-yeɣlin

Zemrent-as tuyat.

Ad d-lalent tegrawliwin

D isem amaziɣ ara d-yalin

ɣef tmazɣa ad d-tali tafat.

Aseggas ameggaz i merra

Buɛziz u Cebbi Aselway n Umussu n Timanit i Tmurt n Yiqvayliyen

6 COMMENTS

  1. Azul, d awalen i gerrzen γur-sen anamek meqqer, a wi yufan awalen-a ad aten-nesseqdec waygar-aneγ deg useggas-a amaynut Imaziγen, a ten-narun d izen ad nettvuddu yis-sen asiren. Aseggas ameggaz, tanemmirt a Mass Aselway

  2. Azul, d awalen i gerrzen γur-sen anamek meqqer, a wi yufan awalen-a ad aten-nesseqdec waygar-aneγ deg useggas-a amaynut Imaziγen, a ten-narun d izen ad nettvuddu yis-sen asiren. Aseggas ameggaz, tanemmirt a Mass Aselway

  3. Azul, d awalen i gerrzen γur-sen anamek meqqer, a wi yufan awalen-a ad aten-nesseqdec waygar-aneγ deg useggas-a amaynut Imaziγen, a ten-narun d izen ad nettvuddu yis-sen asiren. Aseggas ameggaz, tanemmirt a Mass Aselway

Comments are closed.