Tiqbayliyen, Iqbaykiyen, di yal tama deg umaḍal, i lmend n umenzu n Yennayer, ssarameɣ-awen, s yisem n UNAVAḌ UƐḌIL N TMURT N YIQBAYLIYEN, aseggas ameggaz.
Ɣas akken yennayer d ansay ireṣṣan deg umezruy-nneɣ, inker-it udabu azzayri.
Lzzayer tunṣibt tefren ad tesfugel aseggas n waɛraben d win irumyen ur nesɛi aẓar wala assaɣ d wansayen n iɣerfan imaziɣen s umata.
Adabu azzayri yekkat s wayen umi yezmer, s dɣel, i wakken ad yegzem akk iẓuran i aɣ-yeqnen nekni s imaziɣen ɣer umezruy-nneɣ. S waya yefka azal i yinɣimen d icenga-nneɣ, yerkeḍ imawlan n Tmurt, yessuli iɛdawen-is.
Aɣref aqbayli i d-yennesren seg uẓar amaziɣ, mazal-it yeṭṭef, ar ass-a deg yidles; yal aseggas yettmagar Amenzu n Yennayer akken iwata.
Tamurt n Yiqbayliyen tessram s tidett tilelli-ines. Ass-a arraw-is, am yal tikkelt, lḥan di Bgayet akked Tizi-wezzu I waken ad d-seknen asirem-nsen akked lebɣi-nsen: TILELLI I TMURT N YIQBAYLIYEN.
Nessaram aseggas-agi amaynut ad yili d win ara d-yawin tilelli i tmurt n Yiqbayliyen d weɣref aqbayli. Am akken nessaram daɣen, Tilleli I yal aɣref deg umaḍal yettnadin ɣef tlelli-ines.
Lyazid Abid
