ɣas ad ḥebsen aḍar, ur zemren ad ḥebsen tikli

0
228

Di tmurt-iw ur ksibeɣ azref ad iliɣ akken illiɣ, iberdan reglen, leṣwar ɛlayit. Ayen akka ?

Yennayer id aɣ-yellan d ass n tlallit, d ass Aqbayli ( Amaziɣ ) ass-a fell-aɣ yettuḥarrem. Igduden yellan akk deg umaḍal mi i d-yewweḍ useggas amaynut sfugulent akken iwata lḥal, nekni d laḥram fell-aɣ!

Ayen di Bgayt lḥan di tizi ugin-asen ? d acu ibɣan ad d-innin s wannect-a ? ayen ibɣan ad bḍun iqbayliyen?

Abrid n timunent yebda-t ugdud aqbayli s tikli ass n umenzu n yennayer 2963. Anda id aɣ-ttagin i la nessaɛu lḥeq, ayen i aɣ-ttagin i yaɣlayen fell-aɣ.

ɣas ḥebsen aḍar ur zmiren ad ḥebsen tikli, ɣas ḥebsen awal ur zmiren ad ḥebsen tikti. Tikli n tlelli n Tmurt n Yiqbayliyen, tikti n tugdut, n talakt deg Tmurt n Yiqbayliyen. ɣas ad gezmen iles, ur zemren ara ad gezmen tiɣri. ɣas ad sdarɣlen allen ur zmiren ad aɣ-kksen tamuɣli. ɣas ad ḥebsen irgazen, ur zmiren ad ḥebsen lhiba-nsen. ɣas ad samssen At tidett, ma ad izmiren ad sizedgen At tkarkas?

Irnaten Murad