Ini-d ɣas akken yedri wallaɣ

By
murad irnaten
-
6
245

Ini-d ad ak-nsel, d ṣṣut-ik ay nettraǧu, ɣas akken yedri wallaɣ, aḍar yeḥfa si tikli, Awal-ik rr-it d azduz yes-s ad teldiḍ iqerra.

Ini-d, d kečč i nerǧa, s wawal-ik tzemreḍ ad teẓẓuḍ targit deg uẓru, yes-s ad tezzuzneḍ ḥellu. Ini-d, kkes uguren yellan deg wallaɣen akken tidett ad taf abrid i tmenna.

Ili-yaɣ d laɛnaya, yes-sek ad nettgala. Ala kečč i izemren ad d-teskefleḍ ayen yellan deg-neɣ ilha, tzemreḍ ad temleḍ abrid i tafat.

Err iles-ik d amahraz, yes-s tezzeḍ tikta yaɣlin ddaw laɛnaya n rrebg.
Ini-d d kečč ay nettraǧu, yes-sek ara nargu. Ini-d akken imal ur yettuɣal d iger i lmal.

Ini-d akken kan ur yettemḍerkal lebɣi, ur aɣ-yuɣal d tattalt i tannumi, d kečč i d abrid ɣer tlelli.

S wawal-ik ula d tislit n wenẓar ad tuɣal d agus i teqbaylit. S tmuɣli-k tezmer ad teɛuggen tiddertɣelt, tidett ass-mi ara tt-id-iniḍ.

Ini-d ad ak-nsel, uɣal d imi i imeẓẓuɣen-nneɣ warǧin nesli, d tiyita i ufus-nneɣ warǧin nesɣil.

Uɣal-aɣ d abrid i tikli, d ṣṣut i tiɣri-nneɣ. D tiɣri i tikti-nneɣ. Uɣal d imal i yiḍelli, d azekka i wass-agi, d temɣer i temẓi…ay anaẓur.

Irnaten Murad

RELATED ARTICLESMORE FROM AUTHOR

6 COMMENTS

  4. Azul, siwa s tutlayt n tezwawt i nezmer ad nezzdi,ad nennerni, yerna ad neqqim ad nidir d nekkni mačči d wiyaḍ, ur yettizmir yiwen aγ-iveddel, maca ilaq a tt-γren warraw nneγ mi ara kecmen tikkelt tamenzut ar uγervaz, ma mazal d tutlayt n taεravt i qqaren, dinna neẓra akk, s kra win iweddren tutlayt-is n tyemmat, yuγal-d s uxemmem n umnekcam mgal ccetla-s.

  5. Azul, siwa s tutlayt n tezwawt i nezmer ad nezzdi,ad nennerni, yerna ad neqqim ad nidir d nekkni mačči d wiyaḍ, ur yettizmir yiwen aγ-iveddel, maca ilaq a tt-γren warraw nneγ mi ara kecmen tikkelt tamenzut ar uγervaz, ma mazal d tutlayt n taεravt i qqaren, dinna neẓra akk, s kra win iweddren tutlayt-is n tyemmat, yuγal-d s uxemmem n umnekcam mgal ccetla-s.

  6. Azul, siwa s tutlayt n tezwawt i nezmer ad nezzdi,ad nennerni, yerna ad neqqim ad nidir d nekkni mačči d wiyaḍ, ur yettizmir yiwen aγ-iveddel, maca ilaq a tt-γren warraw nneγ mi ara kecmen tikkelt tamenzut ar uγervaz, ma mazal d tutlayt n taεravt i qqaren, dinna neẓra akk, s kra win iweddren tutlayt-is n tyemmat, yuγal-d s uxemmem n umnekcam mgal ccetla-s.

Comments are closed.