Lezzayer d tamurt yeččan tarwa-s. Tefka-ten d iseflan, γer taggara tenγa-ten i tikkelt-nniḍen imi tettu-ten, terra azal d ccan i yirevraven i ten-yenγan.
Nadir Ğelwaḥ (Nadir Djelouah), d yiwen seg-sen. Yemmut s leslaḥ deg yifassen. Maca, wi-t-yenγan? Amek yettwanγa? Ar ass-a tidett teffer ur tban. Ayγer?
Deg wass yecban ass-a, ass n 10/08/1996, yettwanɣa NADIR Ğelwaḥ, di Tlemsan, di lkaziŗna anida yella yesɛedday lɛeskeŗ. Yiwet n terṣast deg uɛebbuḍ, tecleqef-it si tudert.
Akken kan yessawed 20 iseggasen, tusa-d lmut tewwi-t. Nɣan-t wid ur nugad ŗebbi, wid akken iqebbḍen leŗwaḥ. Ur yenγi ur yukir. Ahat yednev imi ur yerwil ara sdat ucengu i d-yekkren ad yessenger tamurt. Imiren, win yeffγen seg uxxam, ur yeẓri ara ma ad d-yuγal tameddit neγ ala.
Yewɛeŗ wuzzu n tasa. Ar i ḍ-a ul-nneγ yettseggix , iẓri ineggi d idammen. Nadir ɛzizen yemmut yerna ur ivan anwa i t-yenγan.
Aggur i yeqqim di svițar d wamek yessuffeγ ṛṛuḥ. Kra t-nḥawet, yugi ad d-yini d acu yeḍran. Yugad γef twacult-is. Akka i nefhem tamsalt. La nesteqsay ar tura d acu yeffren di tmenγiwt-is ?
Irevraven yesdermen tamurt fkan-asen ixxamen, idrimen, yiwen ur yezmir ad asen-yini : aẓet akkin. Nadir, lezzayer-nni i γef yemmut tenkeŗ-it, ur as tefki ara aẓayer azerfan (statut juridique).
Nadir Ǧelwaḥ yedder acku wid yettnaγen γef tidett d yiseγ ur ttmettaten ara. 17 iseggasen deg mi t-yenγa ufus n leγder, yeqqim-d di cfawa-nneγ d ilemẓi acawrar Iḥemmlen tudert, yerran azal i tmeddurt, yesseftayen tagmatt gar yimdanen, irefden win yeγlin, yettagin lvațel.
Xas meẓẓi, iqeddec ɣef tutlayt tamaziɣt, ixeddem tazmert-is d tmusni-s akken ad tidir. Deg yiseggasen n 90, yella dameɣnas deg umussu adelsan amaziγ (MCB). S umennuγ-is, yenna-d : ala i temḥeqranit, ala i Lezzayer taɛŗabt tineslemt.
Ass-a, wid i t-yenɣan ttidiren di tlelli, ttfaŗasen tudert, issuref-asen udavu i d-yewwin “lmuṣalaḥa lwațaniya”.
Tayri terna lmut. Nadir ur k-ntettu ara, deg wul-nneγ teddreḍ alma d ass-mi ara nernu-n ar γur-k. Tasa-nneγ tettneẓẓif fell-ak. Ad nesgunfu kra ass-mi ara d-ivan win ik-yenɣan, ad ixelles ayen yexdem.
Tawacult-ik ur k-ntettu ara.
rW2gpl ekeaawjrgrbh, [url=http://sjcywajwsebi.com/]sjcywajwsebi[/url], [link=http://tmmyowuueapj.com/]tmmyowuueapj[/link], http://heevjrrnkxwo.com/
rW2gpl ekeaawjrgrbh, [url=http://sjcywajwsebi.com/]sjcywajwsebi[/url], [link=http://tmmyowuueapj.com/]tmmyowuueapj[/link], http://heevjrrnkxwo.com/
rW2gpl ekeaawjrgrbh, [url=http://sjcywajwsebi.com/]sjcywajwsebi[/url], [link=http://tmmyowuueapj.com/]tmmyowuueapj[/link], http://heevjrrnkxwo.com/
Comments are closed.