Sin wussan ( Lḥed, Letnayen ) ulac d acu i yeldin, ama d tiḥuna, leqhawi, lakulat, taɣiwant, lbuṣṭa…atg
Iǧadaṛmiyen rnan-d ar tama-nsen iserdasen n teɣlist n ddayṛa akken ad kfun asalag d ayen i d-yewwin ccwalat qessiḥen axaṭeṛ imezdaɣ ugin ad ssusmen ɣef wayen i d-kkren.
Ula d tilifunat ttwakksen i yimezdaɣ akken ur tteffɣen ara isallen rnu ɣuṛ-s ugar n 20 yilmeẓyen i yettwaddmen almi d tameddit i sen-d-serrḥen menbeεd lḥeṛs i xedmen imezdaɣ ɣef temsulta.
