At Yeḥya Musa (Tamurt.info) – Iɛeggalen n Uxxam n Tmusni fkan-d akk ayen yellan deg tezmert-nsen akken ad tɛeddi tmeɣra-agi deg tegnatin igerrzen ; tanezzayt i bdan leqdic, yal yiwen d acu yeɛna.
I lmend n usfugel n yennayer « tawwurt n useggas », Axxam n Tmusni deg tɣiwant n At Yeḥya Musa di tam n Tizi-Wezzu deg tmurt n Yiqbayliyen, ihegga-d leqdic d ameqqran i tririt n wazal i wansay-a.
Iɛeggalen n Uxxam n Tmusni fkan-d akk ayen yellan deg tezmert-nsen akken ad tɛeddi tmeɣra-agi deg tegnatin igerrzen ; tanezzayt i bdan leqdic, yal yiwen d acu yeɛna. Deg tazwara inebgawen i d-yerzan ɣer uxxam n tmusssni, ddren yiwet tegnit i ten-yerran d iseggasen ɣer deffir, acku zzin-d i terbut ččan seksu s uyaziḍ ɣef tgertal; d ayen d-yernnan cbaḥa i tmaɣra-a. syin akin, yella-d wawal ɣef umezruy n yennayer d wamek i t-id-smektayen yimdanen deg yal tamnaḍt. syin ɣer-s d tagnit i ccna d tmedyazt, imi aṭas n yinaẓuren i d-yerzan ad kkin deg tmeɣra-a, ad d-nebder ger-asen: ɛli Qesṛayen d Ccix ɛmer…
I usmekti kan, imezdaɣ n temnaḍt-a – ferḥen aṭas s leqdic-a, ssarmen ad ṭṭuqtent temliliyin yecban tagi, aken ad d-skeflen agerruj i d-ǧgan lejdud.
Axxam n Tmusni d win i yettwasbedden aseggas n 2012. Leqdic-is d asnerni deg wansayen n tmurt n Yiqbayliyen akked uselmed n wazalen kked tutlayt taqbaylit.
Ihi, akken yenna umedyaz: a bab n wawal, awal-iw sel-it; a bab n wakal, ayla-k issin-it.
Tamut.info
