Neẓra ak d akken Llezzayer d tamurt tafuḥant, irkan si tqacuct alma d iẓuran. Imḍedren d izerman, agdud iṭṭes. Taγmist ilaqen ad t âas adavu akken ad tessaki imdanen, tefka afus, yerna ineγmasen ines tagara yagi ur zwiren ara. Tekcem iten lâeqlya nni i wacu i umi ara nâettaveγ imi zriγ amek ara ccaγ ula d nek. Tekcem iten twekka.
Tekkar ṭanṭana ussan agi izrin di Llezzayer. Adavu iqlev udem n kra ineγlafen. Isub wid ur iḥwajj ara assa issuli at tciṭa. Gar asen kra iqeddacen udavu iqvayliyen i ttwasnen s tefransist: KDS.
Tekcem tmurt n Igrikiyen ar tdukla tarufit deg useggass n 1981. Xas imiren ur tessaweḍ ara tmurt ad tili tamurt n Turuft ama di tdamsa ama di tikli n tmetti ines. Yerna ar assa n ussan win iwexxern i temdinin ad iγil di tmura umaḍal wis qrad i illa. Maca Turuft ur tezmir ara ad tt-ejj Tagrikt deffir es imi amezruy n ta anect ilat. D nettat id-isnulfan Turuft n wassa d nettat i ttaâlima tadelsant, tamezruyt n Turuft.
Ayen akka iḍran deg Imẓaviyen ussan agi izrin ismektayaγ-d d yir ussan. Erra-d s iqerray nneγ ass mi ttḥevsen kra n Iqvayliyen. Tiyita ccan Masin Uharun d tarvaât ines n 1976 ass mi sḍerḍqen lbumbat di Llezzayer d Wehran. Neγ Ferhat d Ssaâid Saâdi ass mi ttnaγen γef izerfan n umdan deg iseggassen n 80 ivarkanen.
Xarttum macci d tikkelt macci d snat i iḥves udavu azzayri ameḥrus wid id-ikren mgal tikli-s. Macci d yiwen macci d sin n Iqvayliyen i iṭṭwatfen gar tucar nsen.
