MARSAY (Tamurt) – Ass n lḥedd 21 furar ɣef 2 tamert (heures), Tidukla Fransa –tamurt Taqvaylit (AFK) they-ad yiwet n temlilit deg tzeqqa n 47 rue de la Joliette, i leqdič adelsan yeεnan tullayt tayemat Taqvaylit.
Deg temlilit-a tella-d tɣuri n yiḍṛisen, inzan, timseεraq, timacuha d ccna n tezlatin. Inelmaden d tnelmadin n AFK farsen taswiεt akken ad rnun ad lemden ugar, akken daɣen ad seknen ayen i lemden deg temsirin n yal ssebt.
Mlalen iqvayliyen d teqvayliyen mezzi, meqqer. Ahat azal n 20 imdanen i d-yusan garassen Nna Wiza deg tudert-is 96 iseggasen, yella-d daɣen ucennay Ɣani ak d umedyaz Hafid.
Imdebren n AFK ssuǧden-d tizlatin d iḍrisen, uran-ten deg isebtaren akken ad yishil ccna d turiɣ nnsen.
Merra wid i d-yusan ferḥen atas imi sεeddan taswiεt telha s usmekti n yidles d tulayt taqvaylit tayemmat-nnsen. Ɣran timucuha d inzan, cnan tizlatin n Maεtub, Ferhat, Idir, At Mengellat, Crif Xeddam….atg.
Kader DAHDAH
