Yearly Archives: 2016

I Zedek Mulud

Azul fell-ak Zedek Mulud, Mbeɛd mi sliɣ i taɣect-ik tamaynut i d-tɣennaḍ deg yiwen ubaraz (concert), anda i tɛerḍed ad d-tefkeḍ s ttawil n ccna liḥala n ugdud Aqbayli, walaɣ tettxemmimeḍ d akken yal yiwen anida yerra aqerruy-is, yiwen ur d-yeclig di teqbaylit akked udlis Aqbayli. Nekk s ttawil n yizen agi, bɣiɣ ad k-d-beggneɣ, ɣas ulamma ur ttwaḥettemeɣ ara ad t-xedmeɣ, d akken tɣelṭeḍ mliḥ mliḥ mi terriḍ imasiḥiyen deg yiwen lmul akked imeẓrislamen (les islamistes) d warraw n Zdi Muḥ, axaṭer ineggura-a d iɛdawen n teqbaylit.

Am arrezg i Maâtub ur asen nneḥdir

Ulac avrid afessas s win izmer umdan ad yaru asemmekti neγ tajmilt γef unaẓur nneγ amuqran, Maâtub Lwennas. Myal tikelt iqemmeḍ wul di teγlaf-is. Ittquddur wudem amzun iwwet it ssawraγ. Am akken mazal nugi tamettant ines. Ur tt neqvil ara. Am akken ẓẓayet tegnitt aṭas aṭas imi ulac it gar aneγ. Ar assa n wussan, 18 d assegas ayagi, mazal nettcedhi deg-s, nectaq it am wid illuẓen ccahwan kra almi sseqḍen. Aṭas a yagi tura, wid illulen asseggas i γef immut mden u ewwden d irgazen assa ma d nekni aql-aγ am igujilen deg-akken it nejjem.

14 di yunyu, ass n uγlan aqvayli

Ulac aγref izdin lqed-is deg umaḍal ur nesâi ass aγelnaw, ass n usmekti di kra n tedyant d-iḍran deg umezruy ines. Ass n uγlan, ar kra d ass n zzux, d ass i deg ikker ugdud ad d-iḥud ayla-s neγ tamurt-is. Ar kra nniḍen d ass i deg d-ḥellan kra n tmurt nniḍen, kra n wakal nniḍen. Xarttum myal yiwen issali kra uzemz d ass amuqran gar wussan. Ittuqim as azal d kra n tmeγra d lficta sya-u-sya.

Ẓeddam ḥeggas

Tagara yagi kra n Iqvayliyen ttemyuzzamen γef kra n "teynatin id-innulfan tineggura yagi". γur-sen tveddel tegnitt, veddlen medden. Macci d Taqvaylit ak! Win iten iḍefren deg awal inγec iten-id as-d-inin d akken "d ayen tekfa leḥya, ikfa uqader. Amγar ittwarkeḍ u ilmeẓyen assa myal yiwen seg sen ijebbed, ikkat i yiman-is. Ala nnfaâ nsen ittwalin. D ẓeddam ḥeggas anda terriḍ anda teddiḍ. "Tikli ihi tuγal d tazla, asurif yuγal d sin. Tikkemmict tuγal d uraw. Tardast tuγal d iγil. Ikfa uktili tekfa ceḥḥa. Asefsed d uḍegger snen-as tikli warrac nneγ u yiwen ur ten ituha."

Tturaren tiqqar, nekni nettnezzih

Am zik am tura, am tura neγ am uzekka tugdut i wAâraven am jenjjar i tiṭ. Kkren-d, mden gar tmuγliwin yuraden, ittusseyqen s tneslemt. D Rebbi kan umi fkan tazmert d uvrid. D netta kan i izemren i tihin d tagi, id-innan tagi d tigi, d netta i d yiwen i d waṭas. Amzun am akken nutni ur zmiren i kra ur ssinen kra. Irra ten usγan nsen am iâivanen.

Izwawen yessefk ad lemden ayen imi qqaren medden „Ssefsaṭa“ (Diplomatie)!

Deg umagrad «Tawaghit en direct» sɣur mass Cafaε (tamurt) n wass n 24.05.2016 akk d tiriritin fell-as (*) ffɣen-d kra n wawalen n rregmat deg Idir d Wait Menguellet amzun d tirsasin.

Dieudonné Mbala Mbala, ḥajj ḥajj kkes iyi-d asennan

Dieudonné Mbala Mbala d yiwen gar imseḍsiyen ifransisen ittwasnen nezzah nezzah imi atan gar wid iqefzen deg annar agi n teḍsa d unecreḥ. Di ndud is yiwen ur as issaweḍ ula ar ugarz. Yif-iten ak. Ikka-d nnig sen ak. Akken qqaren fell-as imeddukal-is s tefransist “un talent pur”. Maca tineggura yagi iccur d iγevlan u yufa u mazal ittaf uguren sdat-es anda ivγu idda, ansi ivγu ikka. Aarqen as ivardan u mcubbakent tlufa ines almi ur neẓri sani iteddu neγ ansi id-ikka. Ayen ihi? Ameki issaweḍ uterras idessen akken ad yidir innuγna anecta? Amek i tuγal teḍsa ines d taḍsa ur nesseḍsay?

Ṭariq Ramadan, yir sekka

Ṭariq Ramadan d Amaṣri deg uẓar, d Asswisi di taγlent imi ikker-d di tmurt uguglu d cikula. Asγan ur ivan d Ineslem akken iqqar netta neγ Isneslem akken qqaren wiyaḍ fell-as. Maca akken ivγu iffer asγan ines afuḥan, ini ines isvegnen it-id, neγ ifḍeḥ it-id akya. Nesla yas u nwala-t ar tiliẓriyin n Fransa u ḥaca wid i mazal-iten ccuren d nnya i umi ittkellix. Wanag wid i t isnen d wid isnen wid t icuvan kra ara d-yini d aḍu. Ula d tidett ines ilaq as ttvut akken ad tt nwali d tidett macci d aṛeqqeâ n tkarkas.

Yundi yasen Sellal

Ikker uhetwil, tekker ṭanṭana almi iγ iffeγ laaqel u meccen wulawen n Iqvayliyen, seld iḍelli, seg mi nwala Yidir d Umengellat kkaten afus i Sellal. Tenhez tmurt, inhez uẓeḍḍa n internet d iẓeḍwan imettiyen am Facebook. Maca tikwal ay atmaten, am akken i t-id inna uselway n Unavaḍ aqvayli uaaḍil deg walγu id-issufeγ ilmend n wanect-a, ilaq aγ a neṭṭef cwiṭ iman nneγ u nuqem amrar d ẓẓerv i wurfan nneγ akken ur aγ iγelli ara uqelmun s iḍaren.

Sadiq Khan, amesγiwan n London neγ seg sennan ar tmellalt

Ussan agi izrin llant-ed tafranin timγiwanin di temdint n London, tamaneγt n tmurt n Llegliz ak d tgelda n Tebritanit tamuqrant. Tura imi kkreγ a win awiγ awal fella-sent teḥsam illa deg sent kra uxeclaw. Wanag tafranin am tigi ttilint-ed myal ass di Turuft u lmirat ttwafernen war ma isla yisen umaḍal d tirni.
- Advertisment -

Most Read