Yearly Archives: 2016

Iqeffalen n tafat d tmussni

Am akken i t-id nna teγmist taqvaylit smanat agi izrin, imsulṭa n udavu ameḥrus n Llezzayer mgagin γef uxxam n tmussni id-issali dda Ḥmed Amroui netta d tmeṭṭut is di Tewrirt Musa. Qeflen-t. Medlen as tiwwura. Tadyant agi tesken-d snat n tlufa. Yiwet i Uqvayli irran timmunent, tayeḍ i win ickuntḍen di Llezzayer u iγil-itt d tamurt-is.

Si tsuta ar tayeḍ

Aγref aqvayli ittγellit amennuγ γef tlelli ines am akken ittγellit akal n tmurt-is. Wa ittajja t-id i wa. Wa ittak-it i wa. Di tmura nniḍen irevḥen tisuta ttγellitent tamussni d cci. Macci d ugur id-ittajjan imezwura i ineggura. D aya i γef zgant teddunt ar sdat, snarnayent deg iman nsent d tmussniwin nsent. Zgant ttṣeggiment, ttḥekkirent tudart nsent. Iswi nsent d tudart di tumart d lferḥ. D anecreḥ d zehhu war anḥaf d lḥif.

Ṛuḥen γef ulac

Macci d yiwen maccci d sin n irgazen d tilawin iγ iruḥen si 1990 ar assa. Yerna macci d lmut tagamant immuten. Kkessen asen tudart s uγucu. Nγan ten imi d atraren i llan, d imagdayen, d Iqvayliyen. D imenγi miḥyaf xas akken yiwen ur t-id ivdir.

Isenselmen di Bruxelles

Tineggura agi cwal ikkren di Turuft ad tafeḍ Isenselmen deffir-es. Akken tevγuḍ trefdeḍ-t, akken tevγuḍ teskefleḍ-d iẓuran-is ak issiweḍ ar Molenbeek di Bruxelles, tamaneγt n tmurt n Biljik d tin Turuft. Ad tvateḍ u tecceḍ tizitt deg zal qayli! Ayen tamaneγt n Turuft tuγal d tala n urevrev agraγlan? Ansi is d-kkan at iccumar? Amek i tuγal tmurt d-ttadren medden ala deg ayen ilhan d tamurt d-iteddun deg yir awal d win n cwal d uqriḥ? Tiririt, am tlufa nniḍen, attan deg umezruy n tmurt.

Assmi is ikkes rruḥ Obama

Deg iḍ n wass amenzu di magu 2011, mi ittnaγ wass d yiḍ, inγa yiwen wezlu n iγallen usligen n Marikan vu ucamar n Ben Laden deg uxxam is n Abbutabad di tmurt n Pakistan. Nγan-t netta u ṭṭfen-d tameṭṭut-is. Assen dγa swa swa ewweḍ ar tagara-s unadi ikkren fell-as ikkan mraw d assegass u isâeddan sin iselwayen n Marikan, Bush d Obama.

Atentin gar ifassen n Vuâziz d Ferḥat

Akken itent ira i zrint temsal di 20 di yevrir 2016 di temdinin n Teqvaylit. Akken itent ivγa id-ḍrant ama di Tizi anda illa netta ama di vgayet d Tuvirett. Akken itent issudes id-zgant ama d aneḥdur n medden ama d ṭaqa nsen deg ivardan. Akken itent yurga id-fγent xas akken aṭas ur numin ar tura. Akken imenna i d-ewweḍ imi fkan as-d udem medden, rran-d awal i teγri nsen netta d Ferḥat. Iceqqeq uγlaγal n timmunent deg durar n tmurt Ugawa. Ferḥat gemmaḍ-in Vuâziz gemmaḍ-a. Amzun d tirga deg zal qayli acku, nek s timmad-iw, ur γileγ ad as ḥedreγ i wanect-a xas akken d isseggassen ayagi d nek ttmeslayeγ u ttaruγ γef uzarug neγ timmunent i tmurt nneγ.

Tafranin di Marikan

Ara d-teddunt tafranin di Marikan, tamurt Iwunak Idduklen. Obama ikfa sin imandaten ines. Akken ittwaru di tmenḍawt ur izmir ara ad d-ived i tikkelt tis qrad. Dγa sin ikuvar imeqranen n tmurt Democrate, amagday, ak d Republican, agdudan, ara ttuqimen timzezilt akken ad d-svedden yiwen ugensas, ara yilin d udem nsen. Akavar agdudan d win n Obama, d win imalen akka cwiṭ ar uzelmaḍ xas akken izelmaḍen n Marikan amzun lleγẓamen imi ur zzelmḍen ara aṭas. Maca am akka. Ma d akavar a agdudan n at uyeffus, d wid umi tmal tmuγli ar uyeffus ama di tdamsa ama di tmetti d tikli-is s umata. D iquranen.

Imal n tezwawt atan deg ifassen n Izwawen

Tuget n yeqbayliyen (izwawen) ass-a, ẓran d acu i d-heggan izzayriyen i teqbaylit (tezwawt) seg wasmi yebda umennuɣ akk d umnekcam afṛansis, maca si Tefsut n tmanyin ar ass-a Izwawen mazal-iten ckuntḍen deg ijifar n Lezzayer taṛasist d udabu i ɣ-iqqazen aẓekka.

Aɛebbuḍ ma yeččur, allaɣ yettuɣal d ilem

Zik-nni asmi imezdaɣ n tudrin-nneɣ teddren kan s wayen i d-ttaken iḥerqan-nsen, yezmer a d yini yiwen ulac win i yifen wayeḍ s waṭas deg taluft n cci. Ula d ixxamen am akken d yiwen i ten yebnan merra ɣef yiwen n lqaleb. Tiwizi tettili mara ad yekker yiwen ad yexdem ayen ur izemmer a t-yexdem iman-is. D taddart i d-yettawin ijga i useqqef n yexxamen. Imezdaɣ n tudrin wa yettak afus i wa deg wecraw uzemur, deg userwet neɣ deg wayen-nniḍen. Di tmettant d taddart i imeḍlen win yemmuten, d taddart i yettbeddayen ɣef inebgiwen i yettilin di temḍelt-is.

Lhadi si tcita ar ltrakt

Seg assmi is-fkan amkan, imi iqdec ayen din fell-asen, u rran-t d aneγlaf zaâma issufeγ-d aciwen ar Iqvayliyen. Si zik iqeddec mgal tamurt d umennuγ nneγ assmi illa d anemhal n uxxam n udles n Tizi Wezzu maca imiren s usqizev d uceyyet kan I Butef. D amedya, yuqem taḥemla n tafranin i Butef, ittiki ak deg irmuden idelsanen d wAâraven. Maca tineggura yagi ssarkin t-id deg neγ dγa izga inebbec deg neγ. Am uqjun umi tefkiḍ taleqqimt ad inteḍ ar ijufar ik u izmer ad immet fell-ak. Diγen netta, Lhadi, ad immet akken ad iḥami γef wid is d-ittḍeggiren tileqmatin, it iseccayen. Akka i d yir aγrum, war tirrugza. Amek ihi issaweḍ vu-tcita n yiḍelli ar ltrakt issebruzzuaâ i medden di Tizi assa?
- Advertisment -

Most Read