Aṣaḍuf n idammen seqdacen Waɛraven di Tferka taɣerbit (I)

0
351
Taferka Taɣerbit
Taferka Taɣerbit

IDLES (TAMURT) – Aɛraven seqdacen idim ixellen ak d yegduden i ɣer zedwen* akken ad selhun actal-nsen. Imrigen-nsen* agejdiyen* isertanen* d wigi: a) Timsertit tanilsit*; b) Asinmel gar tutlayt d tayeḍ (amaziɣ/aɛrav); c) Aseqdec n ddin ineslem seg webrid n tsertit s wudem taɣelnaẓṛit*; d) Taneggarut, tawsengimt* n uɛeṛeb af yiwen uburer*n iswi : zdukel daw usenǧaq* n adrum n tnislit* neɣ n waɛrav/ineslem, igduden am Imaziɣen ak d Ikerdiwen akken a ten-arzen s wadda n tuṭṭift* n uɣmar-nsen*. Imeskaren-agi* i d-bedreɣ i yesbedden* abuḍ* amasan* akken ad awḍen ar tagara-nsen.

Dagi illa wegdud afersi* i yetqeddmen, i ten-yeǧǧan ar deffir d leqrun xas akken ula d netta isar-d yiwen wakud anida ula d agdud afersi-agi yeɣli zeddaw n uzaglu n tewsengimt* n waɛraven, acku ula d nutni qedcen, xedmen af yedles n taɛrabt d ddin ineslem u saẓen xilla tusna d tɣerma* n tutlayt n taɛrabt. Asmi i d-ukin si leqrun, si meɣrud i ten-yewten, uɣalen dkewlen-d, ukin-d, bedden am yiwen ar yedles-nsen, win illan d ayla-nsen armi tagara ucrafen-d af imnekcem* yewwet a ten-yerr ar deffir-s amma a ten-id-yeǧǧ.

Talɣa-agi usexdem n ddin-nsen i sedduyen s tsertit, d wagi i d amutur-ines, d azuren-ines*. D wagi i d iswi-nsen akken ad snernin amḍan-nsen u ad selhun* adger i ten-yecban. Ṛṛay-agi iban-d akken ad gerzen timellit-nsen* akken ad ssiwḍen aswir* n wactalen i d-yusan nnig yegduden n umḍal* i yfehmen.

Lmeqsud n usaɛli-yagi, mačči af idammen-nsen i kkaten amek ara ten-fferen, maca af tutlayt d ddin-nsen si ttzuxxun. Ayagi amma d Aɛraven neɣ d imtɛarben d temtɛarbin, umnen, tḥeqqen s taɛli n tutlayt-nsen yifen meṛṛa tidak n medden.

Ur d-ttemmeslayeɣ ara ɣef tutlayt tamaziɣt, anda mazal ar tura imtɛarben d temtɛarbin ur tteḥsiben ara gar ttutlayin timeqranin i yessuẓan tamusni ar zzat, maca d “llehǧa”, akken is-qqaren, ur nesliḥ i wacemma. Ula d kra n iqbayliyen iddeyaniyen (ixuniyen), lecyax n tuddart, atg,.. Igad yemmalen, yemmaren s tusda ara tama n ddin ineslem am cix Rabaḥ n Lǧemaɛ Ucafaɛ (tama n Uzeffun). , inna-d deg awal-is : “tutlayt-agi-nwen ur tesleḥ ara ula i tyessawt”. Neɣ diɣen “acu-t wazul-agi-nwen iɣ-d-snulfam ?”(01).

Taɛli n tutlayt, d asnulfu n tmacinin, d imusnawen am Goethe*, d imaruyen imeqranen nniḍen akk yellan si dunnit. Mačči d zzux n lekdubat anda ik-qqaren: “lluɣa yagi-nsen tuder-d seg igenni” deg usafsar nni n uqran i wumi qqaren “nnesxa” (yensex, meḥsub yura). Mačči akken ik-qqaren nutni : “yeɣli-d deg igenni”yura-t ufus n Yillu ». Taɛrabt-agi-nsen erran-tt “ttutlayt tuɣrist”, acku tettwura s ufus n Bab Igenwan »* (akken d-nnan). Qqaren-ak deg umedya : “akeddib, kra ma meqqer, yettaɛdday s susihel”(02).

Kra n wid yumnen s tkerkas-agi n “tutlayt tuɣris” deg uqran, akk-a am kra seg Iqvayliyen d Teqbayliyin, d imaziɣen sumata, maca actal aɛrav, ur yekka ara deg anect-agi. Actal neɣ idim-nsen, werǧin illa ula yiwen umdan deg dunnit ara ten-yamnen belli yelha. Acuɣer ? Axater, ttwalin-ten, ssnen-ten, jerreben-ten deg dunnit meṛṛa. Ur tufiḍ s wacu ara d-zuxxen s umdan aɛrab-ineslem. Yernu, ma Yillu yessawel-d i Muḥemmed s tutlayt-is, acku d aɛrab i yella. Lukan iluɛa-d Acinwat, tili s tcinwatt ara s-id-yenṭeq. Ihi, taqṣiḍt agi n uɣris, d tikerkas ; ma tutlayt taɛrabt ttuɣris, acuɣer tayeḍ n tutlayt ala ?

Am akken twalam, ayagi akk d tikellax s ɣur Muḥemmed-agi-nsen. Yugi terǧima n uqran, iḥettem imdanen ara yamnen s nnesxa-ines ad llemden kan s tquricit* neɣ s tesɛaudit. Netta iswi-ines yuɣ lḥal yuddi-tt akken ad yezraɛ, ad yessemɣi, ad yesfukti tutlayt n wactal aɛrab. D wagi i wumi qqaren tanmukda* tanilsit*.

Yernu, alukan sexdamen allaɣen-nsen Iqvayliyen d Teqbayliyin yemmalen ar tneslemt, alukan ixecxacen-nsen ččuren d ayen yelhan, mačči d alim (ilem), tili ad walin amek « Allah » agi sen yesselmed imnekcem i d-yusan aten-yestaɛmer, asen yerr azaglu :
Acuɣer ur d-iceggaɛ yiwen si lǧens zeddigen, icebḥen ? Acuɣer ur d-iceyyaɛ ara Asuyidwat* ?, Amarikani* neɣ Ahendi* ?, atg…
Amek armi krad* n deyanat tudayt, tamasiḥt d tneslemt, lulent-d i meṛṛa seg yiwet n temnaḍt di Cerq Alemmas ? Amek armi mačči anida nniḍen ?

Asmi ara fehmen akk ayagi, ass-nni ad telhun d tutlayt-nsen ad teǧǧen aɛbad* n widak i d-yusan a ten-smehresen* akken tutlayt-nsen ad terren d celḥa, nutni erran-ten d cluḥ ; imiren ad ifak fell-asen lhem d ddel d lekni n uqerruy zzat n wid ifen di yal tamsalt deg dunnit.

Amawal
Zedwen : frotté/ Imrigen : armes Agejdiyen : principaux/isertanen : assimilateurs/timsertit : assimilatrice /tanilsit : linguistique/Asinmel : mariagetaɣelnaẓṛit:nationalisme) /tawsengimt : ideologie/usenǧaq : banniere/uɣmar-nsen : domination/Imeskaren-agi : facteurs/timellit : performance/yesbedden : constitue/abuḍ : base/amasan : essenciel
afersi : perse/taɣerma : civilisation/azuren : energieselhun : perfectionner/aswir : niveau
umḍal : monde/llehǧa : dialecte en arabe/Goethe : grand philosophe allemand/Bab Igenwan : Dieu/taquricit : dialecte arabe d’une tribut en Arabie.S./tuɣrist : sacrée
tanmukda : imperialisme/Asuedwat : suedois/Amarikani : americain/Ahendi : Indien
krad : trois/smehres : coloniser/aɛbad : idolatrer

01) Walit adlis n Mas Abdellah Bounfour : le noeud de la langue
02) Wigi d imeslayen n Cix Rabaḥ -Cix asalafi di ssuq n ldjemaa
03) Un mensonge, plus il est gros, mieux il passe.
04) tawsengimt : idéologie (voir amawal de Karim Cherief chez Richa Elsam)

Hand Berkouk