Terwi tebberwi…

0
1926
nneyya
nneyya

TAMURT – Aqlaɣ deg yiwet n teswiɛt ur neẓra ma d nekni i iheblen neɣ d widak agi ur nɛttḥadar ara ɣef aṭṭan agi i yewwin kra n tarwiḥt di teswiɛt agi di tmurt nneɣ, d igima di tmura n umaḍal meṛṛa. Maca nekk ttewhimeɣ deg ugdud aqbayli i mazal-it d nneyya, igen.

Kra i d-heddren imejjayen n Tizi Wezzu, n Vgayet d Tubiret, maca aqbayli yugi ad yamen d akken ilaq-as ad iḥader ɣef ṣeḥḥa-ines akked d ttin n twacult-is d ttin n « watmaten-is » iqbayliyen d teqbayliyin sumata. BRTV, yal ddurt tessawal-d i lemḥadra akken iqbaylyien sumata ad ḥadren tirwiḥin-nsen si leḥlak agi ur nesɛa-ara ddwa ass n wass-a.

Nekk ruḥeɣ ass n lexmis iaddan ɣer temdint n Uẓeffun ; ufiɣ ayen din n imdanen ger yergazen d tlawin, mmaren-d ar « lisupirit » akken ad qḍun i wass imensi n ṛemḍan. Tazwara-nni, ur d-rriɣ ara ddhen-iw ayɣet anect-ten n lɣaci di beṛṛa. Tagara, ami i seqsaɣ yiwen n umdan. Ihi, iqbayliyen ur ten-fhimeɣ ara d akken mi zewren tuččit wala ad zewren tazmert neɣ ṣehha nsen. Akken ik-yehwu qis-itt, xemmem-tt ay bnadem, ulac d acu ig aɛzizen am tezmert-ik. Ulac !

Tura aken d-fkeɣ tuddar i ssneɣ u zureɣ-ten-id yiwet yiwet tammeddit
agi kan, hatentad:
Iɣil Mḥand, Iwejḍal, Icaɛlalen, Ibaḥrizen, Ijaremnan, Iteḥsayen, Iɣil Iazuzen Tafrawt, Agulmim n Yiɣil, Ibdasen wadda, Ibdasen n Ufella, Lkwedya, Ldjemɛa Iɛazzuzen, Tagemmunt ufella, tagemmunt n izamen, Ighil Aɛlid Sidi ḥand Cafaɛ. Maca, llant anagar snat n tuddar i mazal bedden imezdaɣ-nsent, tella: taddart n At Ḥemmad akked taddart n w Ulxu.

Ur fhimeɣ ara ma yella ɣef wayur agi n ṛemḍan i si ḥebsen taɛessast neɣ amek ? Maca izmer lḥal d akken ɣef wayur agi n laẓ i si ugin ad ɛassen ɣef tuddart nsen. Neɣ ahat ɣilen « msakit », imi ad uẓumen, lebla id-iɣlin ɣef umaḍal ur ten-tettḥaz ara ? Wagi ḥala nutni ig zemren ad d-erren i useqsi yagi.

Hand Berkouk

LEAVE A REPLY

Please enter your comment!
Please enter your name here