Idir, sgunef di talwit

0
Idir
Idir

TAMURT – Idir, anaẓur ameqran n tmurt taqbaylit yessufeɣ tarwiḥt iḍelli ɣef 21h 30 n yiḍ di sbiṭar n Lpari tamanaɣt n Fransa. Yagi, xilla n wayuren uya nwala-t deg igrawen n fcb n iqvayliyen neɣ deg uẓeṭṭa sumata anda akk i d-ttarun iqbayliyen d teqbaylin.

Argaz am wagi d yiwen ig yessulin idles nneɣ ar igenni, ar wanida i ssawḍent tutlayin timeqqrani i yecban tagnizit, tarumt, taspenyulit, atg,… Tizlatin-ines, ulac tameẓẓuɣt ur sent-nesla ara, ulac ilemẓi, tilemẓit ur yezuzen ara deg umaḍal.

Idir, d argaz ig qedcen s wul-is, s tezmert-is akken ad yessali tutlayt nneɣ taqbaylit d tamaziɣt akken ad taweḍ and i wwḍent tutlayt i d-yufraren deg umaḍal. D wagi id Idir, d wagi i d aqbayli yecban yergazen meṛṛa i d-fka tmurt taqbaylit. Werǧin « yebra i ṭṭbel deg waman » seg asmi i d-iban di cna n teqbaylit ig nudan amaḍal.

Tura iqqim-d kan a sen-menni laɛfu i netta, u ad isebber Yillu tawacult-is d wid akk it–iqeben s iqbayliyen d imaziɣen. Ass-a, yal aqbayli anida yella di tmurt neɣ anida nniḍen, d ass n lḥzin. Irgazen yecban Idir, d argaz ig yecban Lwennas d imeqranen akk iɣ-yeǧǧan i d-fka si zik tmurt taqbaylit.

Nettmenni ad d-kkren di tsuta id-itteddun akken ad kemlen deg ubrid-is, deg ubrid n umennuɣ nneɣ ɣef tlelli n idles d wegdud aqbayli d imaziɣen sumata.

Hand Berkouk

LEAVE A REPLY

Please enter your comment!
Please enter your name here