Mas Mouloud Kaneb sgunef di talwit!

0
Mouloud Kaneb di BRTV
Mouloud Kaneb di BRTV

TAMURT – Iwweḍ-d usal qerriḥen imi gmatneɣ mas Mouloud Kaneb yessuɣef tarwiḥt senddaḍeli di tɣiwant n Anhony i lqarub n Paris. Mas Mouloud Kaneb d argaz i wid d-mlaleɣ deg Wegraw Imaziɣen deg useggas n 1974.

Imiren-kan i d-kecmeɣ akken ar lleqdic ula d nekk. Dinna i t-id-ifuɣ, illa yakan iqeddec netta d kra n ilmeẓyen. Amkan yeṭṭef di talit nni d ayen i wumi neqqar « taxriḍt n tdukla » (tresorier). Ihi, ur iḍul ara, ahat azal n useggas neɣ qbel, Mouloud iffeɣ s yenna seg Wegraw Imaziɣen. Sebba-ines illan gara-s d mas Bessaoud Md Aarav d amgarad ɣef ayen i ten-icqan kan nutni di sin. Nekk ur ẓriɣ ara d acu n sebba. Maca, ilaq ad tewalim d akken d luluf i d-ikecmen, i itteffeɣen deg wayur, acku agraw, ulac kra n leḥris neɣ laɛqed ara iḥettmen amdan akken ad iqqim s ẓẓur, atg,…. Ad d-yas yiwen ad iqdec tazmert-is, mi yefcel ad iddem iman-is ad iruḥ. Akka i d Agraw.

Ihi, ilaq ad twalim a yatmaten d akken mas Mouloud Kaneb d argaz werǧin « yebra i ṭṭbel deg aman ». Yeffeɣ-d kan aseggas n 1976, yuɣal yekcem ar ukabar aserti i d d-isnulfa mas Rachid Ali Yeḥya. Seg imiren yeṭṭef akabar-agi netta d Rachid A.Y. Mas Mouloud Kaneb yusa-d d argaz wi-sin deg ukabar agi i wumi semman : Front Uni de l’Algérie Algérienne (FUAA). Sawlen-aɣ-id kra degneɣ akken a nettekki yid-sen, maca nekkni iɣ-yerḥan d idles nneɣ amma ad inger, mačči d tasertit.

U ayen akk ur ɣ-naɛǧib ara imi akabar : « F.U.A.A yenwa ad d-yawi aɛraben ad ilin deg wennar mgal aḍabu azyri akken ad teḥyu Tmazɣa u nutni ad uɣalen ad ɛeqlen iman-nsen ». Ayagi neẓra-t, n walat mačči d ayen ara d-iḍrun. Maɛna, xas akken nemgarad di tmuɣli, nekkni d yid-sen takti, neqqim d imeddukal, d atmaten u tella lmaqddra tameqrant. Ihi, teḍra-d yiwet n tedyan nekk d wemddakel-iw i lawan nni akked mas Mouloud Kaneb. Deg useggas n 1976/77, nekk d mas Edjekouane
Belkacem n Umecras, neqsed-d akken « anercem »(taguer) talemmast n Paris s lisluga (slogans) akken ad d-nesbeggen belli nella u akken ad slen leǧnas ɣef taluft nneɣ. Ilaq ad twalim d akken di talit nni, ulac kra weɣmis i d-ittmeslayen fell-aɣ, ulac ! Ihi, tameddit newwi yidneɣ tabumbunt n sbiɣa tazegzawt akken an aru, maca ilaq deg iḍ, ur ilaq ara aɣ-ṭṭfen.

Ihi lewhi n 22 h, nerra ar Sacré Coeur akken a neqqim dinna, axater ittili lɣaci ttqessiren s lmuziga s uggabar. Neqqim dinna armi iruḥ, ineqs xilla lɣaci, imiren n subb-d ar ddawa nni, anida ulac lɣaci, nura ɣef leḥyuḍ n dinna : « Berberes vivront », « Halte au génocide culturel en Algerie », « Berberes vaincrons », atg,… Mi nsellek dinna, nerra ar ustasyun Nation, anida i nkemmel tira nneɣ akken ad d-nesɛen i Houari Bumerdyen belli mazal-aɣ nella. Akken i nesellek dinna
diɣen, nerra ar Trocadero anida i nufa ituristen ttḥewwisen, tisewwarin ger iffasen nsen, xas akken iruḥ idda yiḍ. Nekk d mas Edjekouane Belkacem, nsubb-d ar ddaw n ṣṣur n l’éspalanad n Trocadéro, nkemmel tira nneɣ. Neqqim d inna akked d kra n lɣaci, acku d anebdu, armi yelli umitru ɣef 5 tamrilt n ṣbeḥ.

S yenna inna-k mas Belkacem : « Eyya-d a nsubb ɣur mas Mouloud Kaneb ad d-nsew lqahwa ɣur-s ; hatan di 15 em ardt i yezdeɣ ». Imiren n ṭṭef amitru armi d astasyun Boucicaux. Neffeɣ-d seg umettru neṭṭef yiwen n ubulbar isem-is Bld Felix Faure ar numru 09, dinna i yezdeɣ Lmulud. S yenna nekcem ar yiwen ubatima, nuli deg ṣanṣur armi d tabaqa tis krad. Nestebteb, yelli-d tawurt, iqublaɣ-d s ucmumeḥ, yefreḥ mi iɣ-d-iwala, maca yewhem amek ti temlit n sbaḥ zik ? Nekcem,
tameṭṭut-is d tarmut, tsellem-d fell-aɣ ula d nettat. Neqqim ar ṭabla, iqubblaɣ-id di sin, tameṭṭut-is tewwiɣ-id lqahwa d uyefki d ikerwasuten, imiren nesfehma-as d acu i nexdem armi i d-nusa ɣur-s.

Lmulud mi d-yesla d acu i nexdem, yeraw lferḥ u yefraḥ yisneɣ s wayen i nexdem. Ihi, d tagi ṭi taqdyant i yeḍran nekwni d mas Mouloud Kaned. Smana-kan, immeslay-d fell- ɣ ɣef wercam agi anagar yiwen weɣmis n umalas i wumi sawalen : « Action française » (une revue des royalistes françsais). Argaz agi werǧin  « issers lmaɛun », werǧin yeḥbes amennuɣ ɣef
tmaggit, ɣef yedles amaziɣ sumata seg asmi yebda deg wegraw armi d asmi yessufeɣ tarwiḥt senddiḍelli. Amkan-ik di lǧennet, sgunfu di talwit agma Lmulud ad isebber, ad isebbeṛ Ṛebbi tawacult-ik d widak ik-iqerben ! Tajmilt i gmatneɣ mas Mouloud Kaneb, ad isgunfu di talwit !

Hand Berkouk

LEAVE A REPLY

Please enter your comment!
Please enter your name here