Tazayrit d nnger nneɣ, taqbaylit d tudert nneɣ !

0
928
Îmazighen
Îmazighen

TAMURT – Ass-a bɣiɣ ad d-mmleɣ ar leḥsab n tmuɣli-w, d tmusni-w d tejriba-w. Mmeslayeɣ-d yakan ɣef anect-a, maca ur ruḥeɣ ara di telqi n wawal.

Ihi, a tagmatt, ilaq-aɣ ad nettwalit kra ɣer zzat nneɣ ma tebɣam an-idir am nekkni am yegduden n umaḍal meṛṛa. Ilaq ad tgem tamuɣli-nwen, nkent akken iwata d akken tutlayt-neɣ ifdles-nneɣ yezwa tasertit. Ilaq ad twalim d akken « tasertit tfeṛṛeq agdud », maca tutlayt neɣ idles yesdukul agdud-is ». Ihi, a lukan a Ṛebbi, a newzwiret tutlayt-nneɣ d yedles akken ten-id-nessider, acku ilaq ad twalim lla inegger ! Yernu diɣen, xilla degneɣ mazal ur d-faqen ara d akken d tutlayt i « d ṛṛuḥ n wegdud ». (Il y a Nation là où il y a langue i d-inna umusnwa) Anect-a fkiɣ-d yagi tamuɣli inu yagi.

Mazal llan degneɣ igad « yessexlaḍen caɛban d ṛemḍan », am wigi ik-iqqaren : « aaah, arraw-iw, xas ur ssinen ara taqbaylit, yak ẓran iẓuran-nsen ansi id-ifruri ». Wayeḍ ak-yini : « aaah s tidett, nekk arraw-iw ad uɣalen ad llemden taqbaylit mi meqqer-it, nekk ur stufaɣ ara akken a sen-llemdeɣ ». Llan lemtel tiwaculin n tmanaɣ, xilla deg-sen icubaya sen Yillu ma tarwa-s snen kra n imeslayen n teqbaylit-kan, smnɛan-ten di twaɣit n nneger. Ulac deg anect-a a tagmat !!! Nekkni neqqar-d, nettsuɣu-d yal tikelt akken aqdud aqbayli ad ibedd ad iḥareb ɣef idles-is d tutlayt-is, maca iteddu ad nnger. Ilaq ad twalim widak akk meṛṛa i d-ittlalan di beṛṛa n tmurt taqbaylit, ttaǧǧan tutlayt-nsen u ttuɣalen, rennun ar waɛraben-inselmen n usekkak.

Neẓra, teẓram akk d acu iɣ-yessawḍen ɣer tizi deg nella armi nettemɛebar d tiddylujit taɛarabt tineslemt n usekkak. Tazwara, d ikabaren nneɣ i yefkan axessar i tarwa nneɣ i sen-yesswayen sḥbeḥ meddi « tazayrit, tazayrit », armi i ttun iman-nsen d acu illan. Yiwen deg-sen d Si Lhoucine At Ḥmed. Argaz-agi, s tidett yenuḍaḥ, yezzel ɣef Lzayer, maca ɣef tzayrit nni iɣ-yettawin ɣer nnger, macci ɣer tudert n teqbaylit, n tmurt taqbaylit. Ayagi d ayen twalam akken tellam, maca ulac win neɣ tin ara t-id-imarin (contrarier). Ula d mas S.Saɛdi, ula d netta ikkemmel i wayen yeǧǧa Si Lḥusin deg ugrireb n Uqbayli. Uɣalent twaculin tiqbayliyin armi akken i sen-llemden sin yergazen agi, umnen-ten, ddan am ulli deg ubrid agi n tzayrit.

Dayen, ɣer leḥsab-iw, tiwaculin yettidiren di tmanaɣt, akken llan ruḥen di twaɣit lla neggrent d imeyyaten deg-sen yal aseggas. U tiwaculin-agi, mazal ur d-faqent ara belli neggrent, msakit,…. « ur yuksan ḥedd it-yuɣen ! » Ayagi, am akken d-nniɣ, tesderɣel iten-tzayrit-agi i yezraɛ Si Lḥusin d mas Said Saɛdi.

Xilla di twaculin-a, tura ttnasabent tidak itɛerben. Walit-kan s wallen-nwen, nkent, ulac tawcult ur n nexliḍ ara d tin itɛarben. Wa yefka, wayeḍ yewwi-d. Yernu twalam, teẓram d akken tarwa id-ittlalan ur d-ttlalan ara akken ad ilin d Iqbayliyen, maca d aɛraben neɣ d imsɛarben. Ihi, init-d amek ad tqeblem yellit-wen neɣ yellit-kent ad tarew iberraniyen icengga i teqbaylit ? Amek ur d-ttfaqem ara ? D acu n uḥeckul i teččam a tagmatt ?

Hand Berkouk

LEAVE A REPLY

Please enter your comment!
Please enter your name here