5 Ṭuber 88 : Tugdut-nni wa yettu-tt, wa yettazutt

3

Aṭas n isteqsiyen i d-yettuɣalen yal tikelt ɣas zrin 22 iseggasen. Maca asteqsi yeṭfen lwelha: D acu i d-yeqqimen si tugdut yettwaxelsen s idammen? Zzun akken llan ikabaren, tella tugdut tella tlelli. Maca di tilawat; kra din ur yelli!

Am tin yeḍran di Micli; axxam n ccreε ira ad yeḥkem s lḥebs ɣef wid ur nẓum! Yak di tmendawt :yal amdan yesɛa azref ad yeḍfer ddin i s-yehwan.

22 isegasen ɛeddan ɣef tnekra n ilemẓiyen, seblen meṛṛa tirwiḥin-nnsen acku fuden tilelli. Seg ass-nni ar ass-a yegra-d yiɣed yezzuzur-it wadu ɣef tɣaltin n tattut. hata wayen i d-yeqqimen ɣef tugdut ɣef ɣlin nnig 159 n yelmeẓyen ( nnig 500 n terwiḥin ɣef leḥsab n O.N.G ). 5 ṭuber ur yelli d ass n usfugel neɣ d ass n lficṭa. D ass yeɣlin deg anu n tattut.

Seg ass-nni ar ass-a, Aqbayli itezzi itenneḍ ur yefriẓ abrid ara yawi, ɣer da i d-yessaweḍ, d t-a i d lɣella i d-yemger seg umennuɣ n wacḥal iseggasen aya. D tagi i d tasertit n udabu amesbeṭli.

Ass-a, yessefk ɣef uqbayli ad yesseqsi iman-is, abaɛda wid i wumi yuzzel yisem n tugdut deg yimawen-nsen, ad ssuken tamuɣli ɣef tallit-a iɛeddan, ad muqlen s telqayt ɣer wuguren ideg tettɛumu tmurt n yeqbayliyen ass-a. Amer ad afen kra n tifrat?

Σeddan 22 iseggasen ɣef tugdut, d tallit ur d newwiḍ alarmi tt-ixelles wegdud s idammen. Anwa ara yettun iseggasen-nni iberkanen i d-sseɣlin ɣef wegdud? D acu ibeddlen seg ass-nni ar ass-a? Amek alarmi d-teɣli tatut d tsusmi ɣef ikabaren i d-yennan  » Ih » i tugdut.

3 COMMENTS

  1. azul, aêni usan-d s wulawen-nsen ar tugdut, ammer d tidet, tili ur tt-nessutur ara ass-a, wi iêerdên tacrîht n tsekkurt ur iqenneê ara, ihi, vghan ad qqimen i levda ad kerzen fell-agh, xas llan isudâf di tmendawt i d-yeqqaren akka, maca i wakken kan, igherfan umadâl a s-inin zigh tella tugdut di Dzayer, nutni xeddmen ray-nsen akken nnidên, bumdyen ur yura ara di tmendawt, win iheddren s teqvaylit a t-sstîxren si lxedma, caddli yellan d aselway n Ldzayer ayen iga deg imeghnasen umussu amazigh ur yendim ara degs, imi akka i d axemmem n waêrav ineslem.

LEAVE A REPLY

Please enter your comment!
Please enter your name here