7 wussan seg asmi iɣab – Iḍẹgger‑d wasif Ilemẓi‑nni deg Ubaynu (Timeẓrit)

2

Ussan-a yezrin, Yuba Γaberyu, d yiwen n yilemẓi n 17 n yiseggasen n temnaḍt n At Yemmel, deg taddart n Ubaynu, taɣiwant n Tmeẓrit 50km ɣer utaram n temdint n Bgayet, yečča-t wassif n ṣummam.

Tawaɣit teḍra ass-nni n n lǧamɛa tameddit 18 meɣres lewhi n saɛtin 2 h, mi ira ad yezger asif netta akked gma-s n 15 n yiseggasen.
Yuba ur yessaweḍ ara ɣer lebɣi-s, tekfa tudert-is, tessawel-as-d lmut taɣeddart! Sebba n waya? D anarni n waman i d-yussan seg ugelmim( barrage) n Tici-Ḥaf; netta ijebbed, tamettant tjebbed, maca lqewwa n waman tekka-d nnig tezmert-is, yeɣreq.
Ma d gma-s amecṭuḥ, igra-as-d Rebbi yiwen uterras isellek-it-id si lmut.Iffeɣ uberreḥ, tuddar slant akk, udren-d medden ɣer wasif; meqqer mecṭuḥ. Yal yiwen ifka-d afus n tallelt i unadi ɣef Yuba. Si ssbeḥ armi d lmesbeḥ nutni d anadi, maca kra din ur yelli.

Si tama n yimḍebbren n tɣiwant, amzun kra ur yeḍri, ilemẓi yezzer di temda, maca awal ur ten-id-yuli, i tt-iččan d imezdaɣ kan.
Ɛeddan wussan d wuḍan, Yuba ur d-iban later-is. Ma d imḍebbren, ar ass-a, yiwen deg-sen ur yessenteg asafu n tifrat i wasif yugin ad d-ibru i Yuba. Imḍebren ttrajun deg yimezdaɣ d nutni i terza temsalt akken ad nadin ɣef mmi-tensen!
Di tagara, ma akken i ɛeddan 7 n wussan iɣezfanen, Yuba yuli-d sufella n waman, yufa-t yiwen yilemẓi ass-nni n lexmis tameddit.
Yuba yemḍel ass-nni n lǧemɛa di taddart-is.

Tura imi imḍebbren ugin ad qqlen i lmendad n twuɣa am ti, yessefk-aɣ ad ncemmer ɣef iɣalen nneɣ akken yal yiwen ad iɛqel ayla-s. Ad fell-ak Rebbi ad yeɛfu a Yuba.

2 COMMENTS

  1. AZUL

    Ulaygher lettkal ghef imdebren , win thuza tawghit ad iberreh di tuddar akken xedmen iqbayliyen-nni n zik?!!!!!!!

  2. IGEDRAN ARA YEDRUN D IQBAYLIYEN. IMI DI TMURT N YEQBAYLIYEN ULACH LHUKUMA, ULAC DDULA, akken qqaren isem6is yella netta ulac-t! AKA I DTAMURT N lEZZAYER! AD ISEWHECH YIWEN DEG ZAL QAYLI? TAKERDA? TAKERDIT? ASQIDEA DEGIBERDAN, AHWAS… S ANDA TETTEDDU AKA TMURT? ANDA-TEN IMDEBREN?

LEAVE A REPLY

Please enter your comment!
Please enter your name here