Aɣbel n yinelmaden iferru kra kra

2

Annect-a yellan-d mbaεed reffu n yinelmaden ɣef waṭas n tsebbiwin, gar-asent tugin n teɣdemt, imi, ma newwi-d amedya ɣef tnawalt n uɣerbaz (cantine), akken i d-iban waddad aṭas n wid i d-tsaḥ nutni qerben aɣerbaz ma d wid ibeεden rran-ten di rrif, yerna skud tetteddu-d tegrest aya ad yewεir fell-asen ugar.

Gar wayen ssuturen warrac daɣen d tuɣalin n wid i d-ḍeggren yakan ilindi, arrac ssuturen ad ten-rren ɣer uɣerbaz imi d ayen ay sεan d amur : “ilaq ad iyi-rren, mazal-iyi d ameẓyan“ ay d-yenna yiwen n weqcic. Seg tama nniḍen d tameḥqranit ay rnan seg reffu d ufqaε-nsen acku yella win rran yella win ğğan : “Ḥaca tamussni ay ttεeddiwen, ssufɣen-iyi-d nekk n yiwen n weqcic, ayɣer netta rran-t nekk xaṭi“ ay d-yenna wayeḍ n weqcic.

Ayagi yesbeggen-d astehzi am n tnemhalt n usegmi n tlemda n Bgayet neɣ d wid yeṭṭfen sey-a d sey-a.

Ad nesmekti kan dakken ula deg Ayt Smaεel arrac i d-yewwḍen ɣer tesnawit aseggas-a llan feqεen imi ur tewjid ula “tesnawit n Ayt Smaεel“, dayen ay ğğan wid terza temsalt n usegmi deg tɣiwant-ayi ad ten-rren akked warrac imeẓyanen deg uɣerbaz amenzu n tregragt acku yeččur win n Lberj n Mira, imi tazwara ma nekkes berk tagrawt n teqcicin arrac ugin ad ɣṛen deg yiwen uɣerbaz akked warrac n 5 d 6 n yiseggasen.

Ma d tura nezmer ad d-nini tettban-d taluft, d acu kan inelmaden cerḍen-d ad tili “ tesnawit n Ayt Smaεel“ thegga akken iwata i qabel.
Ad nger tamawt belli tutlayt tamaziɣt/tazwawt tella deg wahil n uselmed n warrac n useggas amenzu deg tesnawit ula i wid iḍefren iεiref neɣ afurek n tussna.