Aɣmis tiɣremt

0
667
Aghmis s tutlayt n tyemmatt nnegh
Aghmis s tutlayt n tyemmatt nnegh

TAMURT – Ussan agi kan, di tagara n wayur n fuṛaṛ, ilul-d yiwen weɣmis i wumi semman : tiɣremt. Am akken teẓram, neɣ twalam, ilaq a nbedd ɣer weɣmis agi nneɣ akken a t-id-nettaɣ yal ass anida yettnuz. Di teswiɛt agi, ur yettnuzu ara di yal tamnaḍt taqbaylit, acku nekk qerbeɣ taɣiwant n Uẓeffun, maca ar ass-a, ulac-it deg lizital (étales) di tḥuna anda i ttnuzen yeɣmisen.

Ruḥeɣ diɣen seqsaɣ di Freha ddurt nni iaddan, ulac-it ula dinna, u
yernu llan yagi qebl-iw igad ig seqsan akken ad t-id-aɣen. Am akken
diɣen teslam , deg tmerwiyin i ɛaddan, lulen-d yagi yeɣmisen s tutlayt
n tmaziɣt neɣ n teqbaylit, maca aḍabu amhersan akked d imsɛarben ines,
wwten meṛṛa amek ara ten-iseḥbes akken ur ttnuzun ara.
Haten-ih widak id-iffɣen yagi d imenza, uɣalen ḥebsen:
1) Aɣmis, isem-s « ASALU » i d-isufeɣ ukabar RCD deg iseggasen ni 1990,
mraw wuṭṭunen kan, yuɣal yeḥbes. Wissen ɣef wacu ?

2) Deg waguren nni imenza, kan deffir weɣmis n usalu, iḍfeṛ-it-id
wayeḍ n teqbaylit ula d wagi sɣur ukabar FFS i wumi sawalen « AMAYNUT ».
Yiwen wuṭṭun kan, tagara yeḥbes ula d wagi.

3) Deg iseggasen nni n urebrab 1994, iteffeɣ-d wayeḍ i wumi semman
« TAMURT », anda azgen s trumit , azgen niḍen s tmaziɣt. Tagara kra
nimesǧernanen is ttwanaɣan sɣur ddula neɣ irebraben di Tizi Wezzu.

4) Ilul-d diɣen wayeḍ i d-ittefɣen yal ayur. Ilḥa kan kra n isegasen,
yuɣal yeḥbes ula d wagi. Qqaren-as: « IẒURAN. Iteffeɣ-d si Tizi
Wezzu.Yuɣal yeḥbes ula d wagi.

5) Kra n iseggasen kan ɣer diffir, ilul-d weɣmis nniḍen i wumi semman
« La CITE/TIƔREMT », anda azgen s tefransist wayeḍ s teqbaylit. Waqila d
wagi i d-yuɣalen tura, maca iman-is u s tutlayt nneɣ kan, ulac deg-s
tafransist.

Aɣmis agi d wagi i yettnuzun tura, sɣur widak id-ifkan isalen agi di
BRTV, d akken, akka d afella, si 22 fuṛaṛ 2020, ad d-iteffeɣ yal ass,
am uɣmis n tefransist, atg,…
Ihi, nekk ar tura ur t-id-ufiɣ ara anda i ddewwireɣ. Tmenniɣ ad ilḥu
meqqar wagi akken as neqqar : « nesɛa yiwen weɣmis s tutlayt nneɣ ».

Tura d acu n sebba n usiwel agi inu: iwwi-d lḥal yal yiwen, yal yiwet
degneɣ, ilaq d lwaǧeb fell-aɣ akken ad t-id-naɣ weɣmis agi akken ad
iddu ɣer zzat u nekni a nesɛu aɣmis nneɣ ara neqqar yal ass am
yegduden meṛṛa n umaḍal. Tanmirt n kent, n ken.

Hand Berkouk

LEAVE A REPLY

Please enter your comment!
Please enter your name here