Aẓeffun: Aɣilas ḤAJU nɣan-t wid t-yukren

0

Aɣilas Ḥaju, ilemẓi-nni n 19 iseggasen yettwakren deg wussan-agi iɛeddan deg temnaḍt n Uẓeffun, iban-d belli nɣan-t wid t-yukren ɣef wakken d-yenna yiwen seg iɛggalen n tejmaɛt n taddart-is.

Tafekka n ilemẓi n 19 iseggasen, ufan-tt, ass-a, ɣef yiri n lebḥer , tama n taddart At Chafɛa.

Ɣas akken tudrin n tmurt n Yiqbayliyen beddent ɣer tama n twacult-is i wakken ad t-id-rren d amuddur, maca ur ṣṣawḍent ara ad selkent ilemẓi-a yesɛan kan 19 n iseggasen di tudert-is.

Ayen ur neẓri ara, ma yella d tidett iɛggalen n udabu nudan si tama-nsen neɣ ala ad ẓren d acu-tt terbaɛt-agi yettakren, acḥal aya, imdanen di tmurt n Yiqbayliyen?

Ma yella nudan, amek almi ur ten-ṭṭifen ara?
Ayɣer d tamurt n Yiqbayliyen i ɣef d-teɣli twaɣit-a n tukerḍa n yimdanen?

Wigi yettakren, d acu i ɣef ttnadin: d Adrim neɣ bɣan kan ad ɣeḍlen tegdi akked rrehba di tmurt n Yiqbaliyen i wakken ad tt-kerfen?